„არასანქცირებულ აქციებში მონაწილე სტუდენტები უმაღლესი სასწავლებლებიდან უნდა გარიცხონ“ – ალექსანდრე ლუკაშენკო

არასანქცირებულ აქციებში მონაწილე სტუდენტები უმაღლესი სასწავლებლებიდან უნდა გარიცხონ.

ამის შესახებ ბელარუსის პრეზიდენტმა, ალექსანდრე ლუკაშენკომ განაცხადა.

-„სტუდენტებო, თუ სასწავლოდ მოხვედით, –  ისწავლეთ. ვინც კანონის დარღვევით არასანქცირებულ აქციებზე გამოვიდა, უფლებას კარგავს, იყოს სტუდენტი. გთოვთ, ასეთები ჯარში ან ქუჩაში გააგზავნეთ. ისინი უმაღლესი სასწავლებლებიდან უნდა გარიცხონ“, – განაცხადა ალექსანდრე ლუკაშენკომ.

9 აგვისტოს გამართული საპრეზიდენტო არჩევნების შემდეგ ბელარუსში საპროტესტო აქციები არ წყდება. დემონსტრანტები ლუკაშენკოს გადადგომას და ხელახალი არჩევნების ჩატარებას მოითხოვენ.