„არ მიკვირს ეგ რომ მოხდა და აი, რატომ… ვერ აღვზარდეთ“ – გივი სიხარულიძე გიორგი შაქარიშვილის საქმეზე

-„ერთმანეთის მიმართ სიყვარული აღარ გვაქვს, სითბო დავკარგეთ და ვერ აღვზარდეთ შვილები – აი, ამან გამოიწვია ეს, ჩემი აზრი ასეთია.
რამდენიმე დღის წინ, მცხეთაში ერთ-ერთ დაბადების დღეზე დაწყებული დაპირისპირება, ახალგაზრდა სპორტსმენის გიორგი შაქარაშვილის გაურკვეველ ვითარებაში გარდაცვალებით დასრულდა, ფაქტზე გამოძიება დაწყებულია. მიმდინარე გამოძიების ფარგლებში, სამართალდამცველებმა 17 პირი დააკავეს.
სიხარულიძე მიიჩნევს, რომ მომხდარი ფაქტი და ახალგაზრდებს შორის დაპირისპირება შედეგია იმისა, რომ ქართველი ერი „ღმერთს ზურგით შეუბრუნდა”.
„იცით რა, მე არ მიკვირს ეგ რომ მოხდა. არც არავის ვაბრალებ რაც მოხდა და აი, რატომ – ქართველი ერი იმ დღის შემდეგ, რაც ღმერთს ზურგით შეუბრუნდა და სატანას ჩამოართვა ხელი, ყველაფერს ვიმსახურებთ.
„ჩვენ ერთმანეთის მიმართ სიყვარული აღარ გვაქვს, სითბო დავკარგეთ და ვერ აღვზარდეთ შვილები – აი, ამან გამოიწვია ეს, ჩემი აზრი ასეთია”, – განაცხადა „რეზონანსთან” საუბრისას 19 წლის ფეხბურთელის გიორგი შაქარიშვილის დაღუპვის შესახებ მწერალმა და მსახიობმა, გივი სიხარულიძემ.

კომენტარები