აშშ–ში რემდესივირზე კლინიკური კვლევები შეაჩერეს –  ცდები წარუმატებლობის გამო არ შეჩერებულა

აშშ–ში რემდესივირზე კლინიკური კვლევები შეაჩერეს.

-„ეს არის ანტივირუსული პრეპარატი. ეს პრეპარარტი ბოლო დრომდე ყველაზე პერსპექტიულ პოტენციურ მედიკამენტად ითვლებოდა Covid19–ის სამკურნალოდ“, – განაცხადა ამერიკის ალერგიის და ინფექციური დაავადებების ნაციონალურმა ინსტიტუტმა(NIAID). ინსტიტუტი ექსპერიმენტს ატარებდა.

ცდები წარუმატებლობის გამო არ შეჩერებულა. ექსპერიმენტი ისე შეაჩერეს,  საბოლოო შედეგებს არ დალოდებიან, რომ არ დაეშვათ ზედმეტი მსხვერპლი საკონტროლო ჯგუფის იმ პაციენტებში, რომლებიც პლაცებოს იღებდნენ.

ექსპერიმენტის წინასწარი შედეგები ორი კვირის წინ, ორთვიანი კვლევების შემდეგ შეჯამდა.

ორგანიზატორების აზრით, შედეგები იმედისმომცემი იყო, ამერიკის ხელისუფლებამ სპეციალური განცხადებაც კი გავრცელა: „პაციენტებისთვის რემდესივირის დანიშვნამ საავადმყოფოს პირობებში მისი საავადმყოფოდან გაწერის დრო თითქმის ერთნახევარჯერ შეამცირა(15–დან 11 დღემდე).

-„მონაცემები გვიჩვენებს, რემდესივირი ცალსახად და არსებითად პოზიტიურ ეფექტს ახდენს, აჩქარებს  გამოჯანმრთელებას აჩქარებს“– განაცხადა ინსტიტუტის ხელმძღვანელმა, ენტონი ფაუჩიმ.

ამერიკის ხელისუფლებამ Covid19-ის სამკურნალოდ რემდესივირის გამოყენება დაჩქარებული წესით დაამტკიცა,  სავალდებულო სერთიფიცირების გავლამდე.

მტკიცებულებითი მედიცინა პრეპარატის ეფექტურობის შემოწმების მხოლოდ ერთ გზას აღიარებს – ორმაგი ბრმა ტესტირების მეთოდს. ექსპერიმენტების მონაწილეებს შემთხვევითობის წესით ორ ჯგუფად ყოფენ. ერთი ჯგუფის პაციენტები ახალ პრეპარატს იღებენ, მეორე ჯგუფი მის იმიტაციას, ანუ პლაცებოს.

გამოყენებულ პრეპარატს თუ შეუძლია თუნდაც ოდნავ დაეხმაროს ინფექციასთან ბრძოლას, მძიმე პაციენტები, რომლებიც მის მაგივრად პლაცებოს იღებენ და თან ამის შესახებ არაფერი იციან, შესაძლოა, გარდაიცვალონ მხოლოდ იმიტომ, რომ შემთხვევით საკონტროლო ჯგუფში მოხვდნენ.

თუ საცდელ პრეპარატს ყველა მძიმე ავადმყოფს მისცემენ გამონაკლისის გარეშე, მაშინ პრეპარატის შემოწმების და ექსპერიმენტის წესები ირღვევა, პრეპარატის ეფექტურობის დადგენა შეუძლებელი ხდება.

სწორედ ამიტომ მოხდა, რომ რემდესივირის კვლევის შუალედური შედეგების გამოცხადების შემდეგ ექსპერიმენტი შეწყდა.  ნათელი იყო, რომ წამალი, შესაძლოა, ეფექტური იყოს, მაშინვე დაიწყეს მისი მიცემა ყველა დაავადებულისთვის და საკონტროლო ჯგუფის ლიკვიდაცია მოხდა და კვლევამ აზრი დაკარგა.

-„რამდენი პაციენტის სიცოცხლით გარისკვისთვის ვართ მზად, რომ საჭირო მონაცემები მივიღოთ?

ალბათ, შესაძლებელია ამ თემაზე დისკუსიები იყოს. ჩვენს ინსტიტუტში აზრთა სხვადასხვაობა არ გვქონია იმასთან დაკავშირებით, როგორ უნდა მოვქცეულიყავით“–განაცხადა NIAID–ის კლინიკურმა დირექტორმა, კლიფორდ ლეინიმ.

ფაუჩის ოპტიმიზმს ექსპერიმენტული თერაპიის შესახებ ბევრი არ იზიარებდა.

ჟურნალი ფორბსი წერს, რომ ანტივირუსული პრეპარატის გამოცდისას პირველ რიგში აზრიანი იქნებოდა პაციენტების ვირუსულ დატვირთვაზე დაკვირვება,  იცვლება თუ არა სისხლში დაავადების აღმგზნების კონცენტრაცია. კვლევის ავტორებმა შუალედური შედეგების გამოცხადებისას ეს საკითხი საერთოდ არ ახსენეს.

ჩინეთში მანამდე ჩატარებული ანალოგიური ექსპერიმენტის ავტორებმა გაარკვიეს, კორონავირუსით დაავადებულთა ვირუსულ დატვირთვაზე რემდესივირი არანაირ გავლენას არ ახდენს. ეს კვლევა საპირისპირო დასკვნამდე მივიდა: ახალ კორონავირუსთან ბრძოლაში რემდესივრი უსარგებლოა.

ბევრი ექსპერტი  იმედგაცრუებულია NIAID–ის გადაწყვეტილებით ექსპერიმენტის დროზე ადრე დასრულების შესახებ.  ექსპერიმენტში ოთხჯერ მეტი პაციენტი მონაწილეობდა, ვიდრე ჩინურ კვლევაში.

-„გლობალური ლოქდაუნი იმისთვის არ შემოუღიათ, რომ ინფიცირებულებს საავადმყოფოში რამდენიმე დღით ნაკლები გაეტარებინათ, არამედ იმისათვი შემოიღეს, რომ ნაკლები ადამიანი მომკვდარიყო. სანამ არ გაირკვევა,  მოქმედებს თუ არა პრეპარატი სიკვდილიანობის დონეზე, გაჩერება არ შეიძლებოდა“ – აცხადებს ნიუ იორკის ჯანდაცვის პოლიტიკის ცენტრის ხელმძღვანელი, პიტერ ბახი.

კომენტარები