ბაია პატარაია შაქარაშვილის საქმის შესახებ: „გაზარდეთ ბიჭები ადამიანებად და არა „კაცურ კაცებად – „კაცობა” ნიშნავს გაფხორილ ინდაურობას“

-„თუ გინდათ, რომ 19 წლის ბიჭებს გადაბრუნებული სიტყვის გამო არ კლავდნენ, მოსპეთ მაჩოიზმი (ტოქსიკური მასკულინობა); მიეცით „კაცურ ღირსებას” ადამიანური და არა მამლაყინწური შინაარსი; გაზარდეთ ბიჭები ადამიანებად და არა „კაცურ კაცებად”!

საერთოდ, გადაიაზრეთ „კაცობა”. სანამ „კაცობა” ნიშნავს გაფხორილ ინდაურობას, „ვისსსაა, ბიჭჭჭო?!”-ს, უაზრო ბრექიაობას, აგრესიულობას, ძალადობას და ჩაგვრას, მანამდე კუბოში გვეყოლებიან „კაცური კაცობის” გამო დახოცილი ბიჭები.

ფემინიზმი გჭირდებათ კაცებს!

ფემინიზმი კაცებს კი არ ებრძვის, არამედ მაჩოობას და აგრესიულ მასკულინობას. კაცი ადამიანი უნდა იყოს ჯერ და არა უტვინო და აფოფრილი, უკონტროლო და აგრესიული არსება, რომელსაც რუდუნებით ეძახით „კაცურ კაცს”.

გადააფასეთ „კაცობის” მნიშვნელობა კაცებმა და ყველას გვეშველება“, – წერს უფლებადამცველი ბაია პატარაია გიორგი შაქარაშვილის გარდაცვალების შესახებ სოციალურ ქსელში.

კომენტარები