„ბევრ ქვეყანაში მოქალაქეთა სოციალური დისტანცირებისთვის დაწესებული მანძილი — 1,5-2 მეტრი მეტად მცირეა, ადამიანს ინფიცირებისგან არ იცავს“ – პროფესორი ლიდია ბურუიბა

ამერიკელი პროფესორი ირწმუნება, რომ ამჟამინდელი რეკომენდაციები სოციალური დისტანცირების შესახებ ჯერ კიდევ 1930 წელს შემუშავებულ მოდელს ეფუძნება და ის არაეფექტურია.

-„ ამჟამინდელი პანდემიის პირობებში სოციალური დისტანცირების სტრატეგია ეფუძნება ადამიანიდან ადამიანზე ინფექციის გადადების იმ მოდელს, რომელიც ჯერ კიდევ 1930 წელსაა შემუშავებული. ბევრ ქვეყანაში მოქალაქეთა სოციალური დისტანცირებისთვის დაწესებული მანძილი — 1,5-2 მეტრი მეტად მცირეა, ადამიანს ინფიცირებისგან არ იცავს.“ , – აცხადებს მასაჩუსეტსის ტექნოლოგიური ინსტიტუტის (აშშ) პროფესორი ლიდია ბურუიბა. 

მეცნიერმა კვლევის შედეგები Journal of the American Medical Association-ში (JAMA) გამოაქვეყნა.

მკვლევარი ზესწრაფი კამერის დახმარებით იღებდა ადამიანებს დაცემინებისა და დახველების მომენტში.  კამერამ დეტალურად „აღნუსხა“ აეროზოლური ღრუბელი — ნერწვისა და ნახველის ნაწილაკები, რომლებსაც ისინი აფრქვევდნენ.

​ბურუიბას ექსპერიმენტებიდან და გამოთვლებიდან ირკვევა, რომ დაცემინებისა თუ დახველების დროს ვირუსებით მჭიდროდ გაჯერებული აირადი ღრუბელი დაახლოებით 8 მეტრზე ვრცელდება წამში 100 ფუტამდე (30,48 მ) სიჩქარით.

ლიდია ბურუიბა აცხადებს, რომ ძველ მოდელებზე დაფუძნებული რეკომენდაციები საზოგადოებრივი ჯანდაცვის სფეროში არაეფექტურია, ვინაიდან მათში არ არის გათვალისწინებული ვირუსით გაჯერებული ნაწილაკების მაღალიმპულსური ღრუბლის არსებობა, რომელიც შორ მანძილზე გადაეცემა.

 

კომენტარები