ბიძინა კულუმბეგოვი „ასტრაზენეკას“ ვაქცინით აიცრა -„მინდა, პანდემია დასრულდეს ჩემი ქვეყნისთვის და მთლიანად პლანეტისთვის, ამიტომ ყველას მოვუწოდებ“

ალერგოლოგი, ბიძინა კულუმბეგოვი დღეს „ასტრაზენეკას“ ვაქცინით აიცრა.

-„მინდა, პანდემია დასრულდეს ჩემი ქვეყნისთვის და მთლიანად პლანეტისთვის, ამიტომ ყველას მოვუწოდებ, თუ გვინდა,  ჩვენმა ქვეყანამ გააგრძელოს ფუნქციონირება, მუდმივად არ ვიყოთ დაუსრულებელ მარათონში, დავიკეტეთ-დავიხურეთ, ყველამ უნდა გამოავლინოს მაქსიმალური პასუხისმგებლობა, ეს არ არის არავითარ საშიშროებასთან დაკავშირებული. ყველა ადამიანმა, განსაკუთრებით ჩემმა კოლეგებმა, უნდა მივცეთ მაგალითი საზოგადოებას. ყველას უნდა გვესმოდეს,  პანდემიით გამოწვეული დანაკარგები იქნება აუნაზღაურებელი, რომელსაც ვერავინ უკან ვერ დააბრუნეს, ესენი არიან ჩვენი ოჯახის წევრები, ძვირფასი ადამიანები. ჩვენ გაგვიჩნდა ეს იარაღი ხელში, -პანდემიას საბოლოოდ გამოვუტანოთ განაჩენი და ყველა მოეკიდოს ამას შეგნებულად. ჩემთვის, როგორც ერთი ადამიანისთვის, ეს არის სიმბოლური განსახიერება იმის, რომ ჩემთვის დასრულდა პანდემია“, – განაცხადა  ალერგოლოგმა ბიძინა კულუმბეგოვმა ვაქცინაციის გაკეთების შემდეგ.

საქართველოში კორონავირუსის საწინააღმდეგო ვაქცინის, „ასტრაზენეკას“ პირველი პარტია 13 მარტს შემოვიდა.

ვაქცინაცია  თბილისის გარდა ქვეყნის 29 რეგიონულ ცენტრში იწყება.

საქართველოში 15 მარტიდან  COVID-19-ის საწინააღმდეგო ვაქცინაცია დაიწყო. პირველ ეტაპზე იმუნიზაცია სამედიცინო პერსონალს უტარდება. ჯანდაცვის სამინისტროს თანამშრომლებმაც გაიკეთეს აცრა.

კომენტარები