„გამოძიებამ ყველაფერი უნდა გააკეთოს,- ნიკა მელიას საქმეს ჩამოსცილდეს პოლიტიკური მდგენელი და შემდეგ შეფასებებიც შეიცვლება“-დავით სერგეენკო

-„აშშ-ის საელჩოს განცხადებაში არის საგულისხმო ფრაზა, -ნატო-სკენ მიმართულების გზაზე უკან დაიხია საქართველომ, ნატო-სკენ მიმავალი გზა ძალიან რთულია, თუმცა, ერთადერთი სწორი გზაა საქართველოსთვის და ჩვენ, სამწუხაროდ, გვქონია წინსვლაც და უკან დახევაც. მაგალითად, -2008 წელს. რაც შეეხება ჩვენი საერთაშორისო პარტნიორების პოზიციას, უბრალოდ შეხსენებას გავაკეთებ, – უკლებლივ ყველა მათგანი, მოუწოდებდა ოპოზიციას შემოსულიყო პარლამენტში, თუმცა, სამწუხაროდ, მათი მოწოდება სრულად ყურად არ იყო მიღებული.

გამოძიებამ ყველაფერი უნდა გააკეთოს, – ნიკა მელიას საქმეს ჩამოსცილდეს პოლიტიკური მდგენელი, მხოლოდ სამართლებრივ ჭრილში იყოს მსჯელობა. ვფიქრობ, ეს საკითხი ამ მიმართულებით უნდა დაიწრიტოს, შემდეგ შეფასებებიც შეიცვლება“, – განაცხადა „ქართული ოცნების“ წევრმა, დავით სერგეენკომ ნიკა მელიას დაკავების ფაქტზე საერთაშორისო გამოხმაურებების შესახებ.

„ნაციონალური მოძრაობის“ თავმჯდომარე, ნიკა მელია დღეს დააკავეს. 

ნიკა მელიას თბილისის საქალაქო სასამართლომ აღკვეთის ღონისძიებად პატიმრობა 17 თებერვალს შეუფარდა.

18 თებერვალს, გიორგი გახარიამ პრემიერ-მინისტრის პოსტი დატოვა.

„ქართულმა ოცნებამ“ პრემიერ-მინისტრობის კანდიდატად ირაკლი ღარიბაშვილი, 19 თებერვალს წარადგინა. 

პრემიერ-მინისტრის გადადგომასთან დაკავშირებით, შინაგან საქმეთა სამინისტრომ ნიკანორ მელიას საქმეზე დაგეგმილი ღონისძიება დროებით გადაიდო.

22 თებერვალს, მეათე მოწვევის პარლამენტმა ირაკლი ღარიბაშვილის მთავრობას ნდობა გამოუცხადა.

კომენტარები