„გულწრფელად გეტყვით, საქართველოში ხარისხზე ორიენტირებული ამდენი სამედიცინო დაწესებულება თუ იქნებოდა, არ მეგონა“-გიორგი ფხაკაძე

პროფესორი, ორგანიზაცია „აკრედიტაცია საზღვრების გარეშე“ ხელმძვანელი გიორგი ფხაკაძე:
– „საქარველოს აკრედიტაციის ინიციატივასთან“ დაკავშირებით კარგი სიახლეებია, აკრედიტაციის გავლის სურვილი უკვე 19 ორგანიზაციამ გამოთქვა.
გულწრფელად გეტყვით, საქართველოში ხარისხზე ორიენტირებული ამდენი სამედიცინო დაწესებულება თუ იქნებოდა, არ მეგონა, რომლებიც ზრუნავენ სერვისების გაუმჯობესებაზე და პაციენტებზე რეალურად ფიქრობენ;
საქართველოში ძალიან პროფესიონალი, თავისი საქმის მოყვარული სამედიცინო სფეროს მუშაკები არიან. იმედი მაქვს, აკრედიტაციის ინიციატივას კიდევ მრავალი ორგანიზაცია შემოუერთდება. პირველ ეტაპზე ელემენტარული სტანდარტებია, რომელიც ყველამ იოლად უნდა გაიაროს. ვინმეს თუ რაიმე სახის პრობლემა ექნება, დავეხმარებით მის მოგვარებაში!
დიდი მადლობა თოთოეულ ადამიანს, ვინც მხარს უჭერს საქართველოს აკრედიტაციის ინიციატივას და მისი განხორციელების პროცესში მეხმარება. დიდი მადლობა ყველა ჟურნალისტს და მედიასაშუალებას, ვინც აკრედიტაციის თემას აშუქებს. რამდენიმე გაზეთში, მაგალითად, „ალიასა“ და „ასავალ დასავალში“ დაიბეჭდა ვრცელი სტატიები აკრედიტაციასთან დაკავშირებით, რამდენიმე საინფორმაციო სააგენტომ არაერთი ნიუსი გამოაქვეყნა.
მიხარია, მედია და საზოგადოება ჯანდაცვის სისტემის გაუმჯობესებით რომ დაინტერესდა. ჯანდაცვის ჯანდაცვის სისტემის ხარისხის გაუმჯობესების გზაზე ინფორმირებულობა და ცნობიერების ამაღლება უმნიშვნელოვანესია. ამაში მედიის როლი ძალიან დიდია, უღრმესი მადლობა მათ თანამშრომლობისათვის! დიდი მადლობა იმ სამედიცინო დაწესებულებებს, რომლებიც არიან დაინტერესებული, გაიარონ აკრედიტაცია, რათა საქართველოს ჯანდაცვის ხარისხი იყოს კარგი და ძალიან კარგი!“

გიორგი ფხაკაძე საქართველოს სამედიცინო დაწესებულებების დამოუკიდებელი შეფასებისა და აკრედიტაციის ინიციატივით გამოდის.

აღნიშნული ინიციატივა ფრანგული ორგანიზაციის – „აკრედიტაცია საზღვრების გარეშე“ – მიერ არის მხარდაჭერილი.

„საქართველოს აკრედიტაციის ინიციატივა“ გულისხმობს საქართველოს სამედიცინო დაწესებულებების ხარისხის კონტროლის ამაღლებას.

კომენტარები