“დარქნეტში”     ყალბი   კოვიდ-პასპორტებითა   და   ვაქცინებით ვაჭრობენ, ფასები 500-დან 750 დოლარის ფარგლებში მერყეობს

BBC-ის ინფორმაციით, კომპანია Check Point –ის სპეციალისტებმა, რომლებიც კიბერუსაფრთხოებით არიან დაკავებულნი, “დარქნეტში” (რესურსების ანონიმურ ქსელში) აღმოაჩინეს  სივრცეები, რომლებიც COVID-19—ის საწინააღმდეგო  ვაქცინებითა  და  ცრუ-პასპორტებით  ვაჭრობენ.

როგორც ირკვევა, ამ დროისათვის ასეთ განცხადებათა რიცხვი 1200-ს აჭარბებს.

ფასები 500-დან 750 დოლარის ფარგლებში მერყეობს AstraZeneca, Sputnik, Sinopharm და Johnson&Johnson-ის ერთი ნემსისთვის.

ყალბი კოვიდ-პასპორტის ფასი კი ანონიმური მოვაჭრეებისთვის  150 დოლარს  შეადგენს.

Check Point –ის სპეციალისტების განცხადებით, მოვაჭრეები მრავლად არიან როგორც აშშ-ში, ასევე ბრიტანეთში, ესპანეთში, გერმანიაში, საფრანგეთსა და რუსეთში.

თინათინ გოცაძე

წყარო: mkurnali.ge