თანამედროვე მედიცინა ისეთი დაუნდობელია, როგორიც არცერთი დიქტატორი, არცერთი სადისტი არ ყოფილა,“ – გერმან სტერლიგოვი

„თანამედროვე მედიცინა კლავს და ანადგურებს კაცობრიობას. თანამედროვე მედიცინა ისეთი დაუნდობელია, როგორიც არცერთი დიქტატორი, არცერთი რეჟიმი, არცერთი სადისტი ერთად აღებული არ ყოფილა,“ – ამის შესახებ ცნობილ მედიკოსთა ოჯახში გაზრდილი რუსი მეწარმე გერმან სტერლიგოვი ვიდეომიმართვას ავრცელებს და მოქალაქეებს მოუწოდებს, ქიმიური პრეპარატების მიღებისგან თავი შეიკავონ. სტერლიგოვი ქიმიური მედიკამენტების ალტერნატივად, პაციენტებს ბუნებრივ სამკურნალო მცენარეებს სთავაზობს.
მისი თქმით, სიკვდილიანობის 99,9 % ექიმთან მიმართვიანობის შედეგია, თანამედროვე მედიცინა მილიონობით ადამიანს კლავს.
„მთავარია, უბრალოდ მიხვიდე ექიმთან და უკვე ხაფანგში აღმოჩნდები. იგონებენ დიაგნოზებს, გადადიხარ ხელიდან ხელში. გინიშნავენ ძვირადღირებულ ოპერაციებს იქამდე, სანამ უკანასკნელ შენს საბადებელს გამოჯანმრთელებაში არ ჩაგადებინებენ.
თითქოს ექიმსა და პაციენტს შორის ერთგვარი გარიგება ხდება, მიდიხარ ექიმთან, აძლევ ფულს და გჯერა, რომ უკან ეს ფული ჯანმრთელობის სახით დაგიბრუნდება.
ეს სიცრუეა. მედიცინა არ შეიძლება ფასიანი იყოს, მედიცინა არ შეიძლება ქიმიური იყოს“, – აცხადებს სტერლიგოვი .
მისივე განმარტებით, მედიცინა მხოლოდ ნატურალური შეიძლება იყოს, ნატურალური ბალახებით მკურნალობაზე დაფუძნებული, თუმცა, ადრეულ მედიცინაშიც გვხვდება წარმატებული ქირურგიული ოპერაციები.
„აუცილებლად უნდა დავუბრუნდეთ ჩვენს ძველ კოლეგებს და უნდა ვისწავლოთ ძველი, ადრეული მკურნალობის მეთოდებიდან.
თანამედროვე ძლიერი ანტიბიოტიკები უბრალო იოდია, რომელსაც არ გააჩნია არანაირი უკუჩვენება და თავისთავად, არც ეფექტი.
თანამედროვე ანტიბიოტიკებისა და აცრების შედეგად, ადამიანს უქვეითდება იმუნური სისტემა, რა დროსაც ორგანიზმი ვეღარ ებრძვის დაავადებას.
ექიმები სპეციალურად აკეთებენ ყველაფერს, წამლების, ანტიბიოტიკების და აცრების საშუალებით ადამიანის ორგანიზმის დასასუსტებლად, რომ ორგანიზმს აღარ შეეძლოს გარეგნულ საფრთხეებთან ბრძოლა.
გარდა ამისა, ყველა ქიმიური წარმოება ქმნის ნარკოტიკებს და ხალხს ამ მეთოდითაც ებრძვის.
თითქოს ნარკოტიკებთან ბრძოლაზე საუბრობენ. რომელ ბრძოლაზეა საუბარი, როდესაც სააფთიაქო ქსელები, ნარკოტიკის გარდა, არაფერ სასარგებლოს არ აწარმობენ.
ყველა სააფთიაქო ქსელი უნდა დაიხუროს, რადგან ისინი საფრთხის შემცველია.
ნარკომომხმარებლებს ნარკოტიკული ნივთიერებების მოძიება და შერევაც აღარ მოუწევთ, აფთიაქი მათ ნარკოტიკების სრულ კომპლექსს აძლევს და უამრავ ახალგაზრდას მომავალს უსპობს, – აღნიშნავს გერმან სტერლიგოვი.