თბილისში მკვლელობა მოხდა – ვინ არის მამაკაცი, რომელიც ავჭალაში, საკუთარ მანქანაში ჩაცხრილეს

თბილისში, ავჭალაში, სარაჯიშვილის ქუჩაზე მკვლელობა მოხდა.

შუახნის კაცი ავტომობილში მოკლეს. გარდაცვლილი მამაკაცი ვალერიან ნემსიწვერიძეა, გავრცელებული  ინფორმაციით, ის ერთ-ერთ გახმაურებულ საქმეებში მონაწილეობდა.

მას ბრალდებულის სტატუსიც ჰქონდა, თავისუფლება ჰქონდა აღკვეთილი 16 წლის ვადით.

ადგილობრივების თქმით, 6 გასროლის ხმა გაიგეს. მოკლული მამაკაცი ქალთან ერთად იმყოფებოდა, რომელიც მკვლელმა გაიტაცა.

გამოძიება სსკ-ის 236-ე და 108-ე მუხლებით დაიწყო, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებასა და განზრახ მკვლელობას გულისხმობს.