თბილისში, მომავალი კვირიდან, ერთი თვის განმავლობაში, ღამის საათებში, 18-მეტრიანი ავტობუსი სატესტო რეჟიმში იმოძრავებს

თბილისში, მომავალი კვირიდან, ერთი თვის განმავლობაში, ღამის საათებში, 18-მეტრიანი ავტობუსი სატესტო რეჟიმში იმოძრავებს.

ავტობუსი დედაქალაქის 10 ძირითად გამზირზე იმოძრავებს და მგზავრებს არ მოემსახურება.

სატესტო რეჟიმის მიზანია, ინფრასტრუქტურული ხარვეზების იდენტიფიცირება და აღმოფხვრა, რის შემდეგაც, თბილისის 10 ძირითადი დერეფნისთვის, მერია 179 ერთეული 18 მეტრიან ავტობუსს შეისყიდის.

ავტობუსების 150 მგზავრზეა გათვლილი.

„მერიის შუამდგომლობით, ერთ-ერთმა კომპანიამ სატესტო რეჟიმში ჩამოიყვანა 18-მეტრიანი ავტობუსი, ეს არის დიდი გაბარიტების ავტობუსი, რომლისთვის შესაბამისი ინფრასტრუქტურა თბილისში მოსაწესრიგებელია. ერთი თვის განმავლობაში, ღამის საათებში, თბილისის ქუჩებში ივლის 18-მეტრიანი ავტობუსი, რათა გამოვლინდეს ყველა ის ინფრასტრუქტურული ხარვეზი, რომლის გამოსწორებაც იქნება საჭირო. როგორც მოგეხსენებათ, 10 ძირითადი დერეფანია, რომელიც იქნება ცენტრალური კვანძი, რათა დიდი გაბარიტის ავტობუსებმა იარონ”, – განაცხადა დედაქალაქის მერის მოადგილემ, მაია ბითაძემ.

კომენტარები