ილია მეორე: „ვატიკანსა და საქართველოს შორის ურთიერთობა მრავალი საუკუნის განმავლობაში გრძელდებოდა.  პიეტრო პაროლინის საქართველოში ვიზიტი ძალიან მნიშვნელოვანია“

წმინდა საყდრის სახელმწიფო მდივანი, კარდინალი პიეტრო პაროლინი, სრულიად საქართველოს საპატრიარქოში, კათოლიკოს-პატრიარქს, ილია მეორეს შეხვდა.

ილია მეორე:

„ვატიკანსა და საქართველოს შორის ურთიერთობა მრავალი საუკუნის განმავლობაში გრძელდებოდა.  პიეტრო პაროლინის საქართველოში ვიზიტი ძალიან მნიშვნელოვანია. სწორედ ამ ისტორიული ურთიერთობის გაგრძელებაა. ამასთან, ილია მეორემ აღნიშნა, რომ საქართველომ ბევრი განსაცდელი გამოიარა.

ურთიერთობა ვატიკანსა და საქართველოს შორის მრავალი საუკუნე გრძელდებოდა. მეოთხე საუკუნეში სახელმწიფო რელიგიად გამოცხადდა ქრისტიანობა, მირიანის მეფობის დროს და მეხუთე საუკუნეში ავტოკეფალური გახდა, ცნობილი კანონისტი მალსაბონი, რომელიც შემდგომ იყო ანტიოქიის პატრიარქი წერს, რომ საქართველოს ეკლესია და კვიპროსის ეკლესია გახდა დამოუკიდებელი ავტოკეფალური ნეტარი პეტრეს დროს. მეთერთმეტე საუკუნეში საქართველოს მეთაურს ეწოდა პატრიარქის წოდება.

ბევრი განსაცდელი აქვს გამოვლილი საქართველოს. ვიცავდით ჩვენს ეროვნებას, ჩვენს კულტურებს, ტრადიციებს, ენას და დღემდე ვცხოვრობთ ბრძოლაში. თქვენი ვიზიტი არის გაგრძელება იმ ისტორიული ურთიერთობის, რომელიც იყო ჩვენ შორის. ამ დარბაზში მე მივიღე რომის პაპი ფრანცისკე, ჩამოყალიბდა ნამდვილდ ძმური ურთიერთობა, რომის პაპმა და მე ვილოცეთ.

ჩვენ გღებულობთ, როგორც ახლობელს, საპატრიარქოში ჩამოყალიბდა ნამდვილად ძმური ურთიერთობა. დღეს ჩვენ გვაქვს ძმური ურთიერთობა. მოგეხსენებათ, რომ ძალიან რთულ დროს ვცხოვრობთ. კაცობრიობა მივიდა უფსკრულთან და ჩაიხედა მასში. ასე რომ, თქვენი ვიზიტი დიდად მნიშვნელოვანია და ჩვენ კიდევ ერთხელ გულითადად მოგესალმებით“.

კომენტარები