ირაკლი კობახიძე: „არსებობს თუ არა მტკიცებულებათა სტანდარტი მაჩალიკაშვილის დასაკავებლად, პასუხი სუს-მა უნდა გაგვცეს“

ირაკლი კობახიძე: „არსებობს თუ არა მტკიცებულებათა სტანდარტი მაჩალიკაშვილის დასაკავებლად, პასუხი სუს-მა უნდა გაგვცეს“

პარლამენტის თავმჯდომარე ირაკლი კობახიძე აცხადებს, რომ სუს-ის მიერ მალხაზ მაჩალიკაშვილის აუდიოჩანაწერის გასაჯაროება, საფრთხის პრევენციას ემსახურებოდა.
მისი თქმით, არსებობს თუ არა დაკავებისთვის მტკიცებულების სტანდარტი, ამაზე პასუხი საზოგადოებამ უწყებისგან უნდა მიიღოს.

„მტკიცებულების სტანდარტი დაკავებისთვის არსებობს თუ არა, ამაზე პასუხი უნდა გაგვცეს სუს-მა, უნდა გაგვცენ სამართალდამცავმა ორგანოებმა. იყო საფრთხე კონკრეტული ოჯახის მიმართ და ამ საფრთხის პრევენციას ემსახურებოდა შესაბამისი ჩანაწერის გასაჯაროება. ვფიქრობ, რომ ეს იყო აუცილებელი, რათა მომხდარიყო შესაძლო დანაშაულის პრევენცია. აქედან გამომდინარე, ვფიქრობ, რომ სწორად იმოქმედა სუს-მა, როდესაც გაასაჯაროვა შესაბამისი ჩანაწერი, პრევენციის მიზნით. რაც შეეხება მტკიცებულების სტანდარტს, ამაზე პასუხი უნდა მოვისმინოთ სამართალდამცავი ორგანოებისგან”, – განაცხადა ირაკლი კობახიძემ.