კორონავირუსით ექიმი გარდაიცვალა – „დღეს მისი გაწერა იგეგმებოდა“

ბათუმის რესპუბლიკური საავადმყოფოს ექიმი, რეანიმატოლოგი ისლამ საფაროვი კორონავირუსით გარდაიცვალა. ცხრა დღის განმავლობაში ამავე კლინიკაში მკურნალობდა.

-„პაციენტის მდგომარეობა დამაკმაყოფილებელი იყო, დღეს მისი გაწერა იგეგმებოდა, მდგომარეობა მოულოდნელად დამძიმდა. პირველი დღიდან ჩართული იყო ამ უხილავ მტერთან ბრძოლაში, არაერთი პაციენტი გადაარჩინა. 8 დღის უკან დაუდგინდა კორონავირუსი, მდგომარეობა იყო დამაკმაყოფილებელი. თავად აკონტროლებდა მის მდგომარეობას. გამთენიისას მდგომარეობა უეცრად დამძიმდა, მოასწრო დარეკვა რეანიმაციაში. გულის უეცარი გაჩერება“, – განაცხადა  საავადმყოფოს კლინიკურმა მენეჯერმა, გია კიკაბიძემ.

ბათუმში, გუშინ  სამედიცინო პერსონალი კორონავირუსით გარდაიცვალა, ის შუახევის კლინიკაში მუშაობდა.

საქართველოში კორონავირუსის3 443 ახალი შემთხვევა გამოვლინდა, გამოჯანმრთელდა 2 539 პაციენტი.

კომენტარები