„კორონავირუსის წარმოშობის ყველაზე რეალური ვერსია ვუჰანის ლაბორატორიას უკავშირდება“-CDC-ის ყოფილი ხელმძღვანელი

„COVID-19“ ჩინეთის ქალაქ ვუჰანის ვირუსოლოგიის ინსტიტუტის ლაბორატორიაში შეიქმნა. ამის შესახებ აშშ-ის დაავადებათა კონტროლისა და პროფილაქტიკის ცენტრის (CDC) ყოფილმა ხელმძღვანელმა, რობერტ რედფილდიმ  CNN-თან ინტერვიუში განაცხადა.

-„ჩემი აზრით, კორონავირუსის წარმოშობის ყველაზე რეალური ვერსია ვუჰანის ლაბორატორიას უკავშირდება. ვირუსმა ლაბორატორიიდან გაჟონა,  ეს  განზრახ არ გაუკეთებიათ. არაფერია გასაკვირი იმაში, რომ შეიძლება ლაბორატორიაში მომუშავე თანამშრომელი  დაინფიცირდეს პათოგენით“, – განაცხადა CDC-ის ყოფილმა ხელმძღვანელმა, მას არ სჯერა  ვერსიის,  კორონავირუსი ღამურადან ადამიანზე გადავიდა, მოკლე დროში კ ერთ-ერთი ყველაზე გადამდები დაავადება გახდა.  როდესაც პათოგენი ცხოველიდან ადამიანზე გადადის, ეფექტურობის ზრდისთვის  გარკვეული დრო სჭირდება.