კორონავირუსი – უკრაინა უცხოელებისთვის საზღვრებს დროებით ჩაკეტავს

უკრაინა უცხოელებისთვის საზღვრებს 29 აგვისტოდან 28 სექტემბრამდე ჩაკეტავს.

ამის მიზეზი კორონავირუსთან დაკავშირებით ვითარების გაუარესებაა.

ამის შესახებ უკრაინის შინაგან საქმეთა მინისტრმა, არსენ ავაკოვმა განაცხადა.

უცხოელებისა და მოქალაქეობის არმქონე პირებისათვის უკრაინის საზღვრები 29 აგვისტოს 00:00 საათიდან 28 სექტემბრის 00:00 საათამდე ჩაიკეტება.

უკრაინის ტერიტორიაზე შესვლა არ აეკრძალებათ სატრანზიტო მგზავრებს, პირებს, რომლებსაც მუდმივი ბინადრობა აქვთ უკრაინაში, დიპლომატებსა და სატრანსპორტო საშუალებების ეკიპაჟების წევრებს.