ლაშა ტალახაძემ ახალი მსოფლიო რეკორდი დაამყარა

ლაშა ტალახაძემ ევროპის ჩემპიონატი მეხუთედ მოიგო. მან ეს რეკორდების თანხლებით გააკეთა: ატაცში 222 კგ დაძლია, თავისივე რეკორდი (220) გააუმჯობესა. ორჭიდის ჯამში 485 კგ დააფიქსირა, რაც ასევე მსოფლიოს რეკორდია.

აკვრაში ლაშა ტალახაძის მწვრთნელმა გიორგი ასანიძემ პირველი ცდისთვის 245 კგ ჩაწერა. ქართველი გოლიათი შტანგასთან მშვიდად მივიდა და წონა დააფიქსირა.

ამის შემდეგ გამოვიდა ლაშა ტალახაძის კონკურენტი გორ მინასიანი (სომხეთი), რომელმაც 248 კგ ასწია და აკვრაში გადაასწრო, რის შემდეგაც ლაშა ტალახაძე 253 კგ-იან შტანგასთან მივიდა და ევროპის ჩემპიონატი სამი ოქროს მედლით დაასრულა.

მესამე ცდაზე ტალახაძემ 263 კგ დაძლია, ორჭიდში 485 კილოგრამი ასწია, რაც მსოფლიოს ახალი რეკორდია. მან თავისივე რეკორდი (484 კგ) გააუმჯობესა.

მოსკოვში მიმდინარე ძალოსნობის ევროპის ჩემპიონატზე დასკვნით დღეს, 109+ კილოგრამში ორი ქართველი – ლაშა ტალახაძე და ირაკლი თურმანიძე გამოდის.

საქართველოს ნაკრებმა ევროპირველობაზე 8 ოქროს, 4 ვერცხლისა და 1 ბრინჯაოს მედალი მოიპოვა.

კომენტარები