„მესმის, რომ მათ არ მოსწონთ სხვისი გაკეთებული კარგი საქმეები და წარმატებები და ზოგჯერ საკუთარი ცუდიც ურჩევნიათ სხვის კარგს“ – არჩილ თალაკვაძე

საზოგადოებრივი ჯანმრთელობის შესახებ კანონში ცვლილებების განხილვა პარლამენტი.

ცვლილებათა პაკეტი, საგანგებო მდგომარეობის გამოცხადების გარეშე, პანდემიის დროს გარკვეული შეზღუდვების შენარჩუნებას, ან დამტკიცებას გულისხმობს. მათ შორის, საჭიროების შემთხვევაში, საუბარია გადაადგილების, საკუთრების, შრომის, პროფესიული,ან ეკონომიკური საქმიანობის უფლებათა მინიმალურ შეზღუდვებზე,კონკრეტული საჭიროებების გათვალისწინებით.

ბიუროს სხდომა გაიმართა.

პარლამენტის თავმჯდომარემ, არჩილ თალაკვაძემ „საზოგადოებრივი ჯანმრთელობის შესახებ“ კანონში შესატან ცვლილებზე გუშინ გამართული განხილვა შეაფასა:

-„მესმის, რომ მათ არ მოსწონთ სხვისი გაკეთებული კარგი საქმეები და წარმატებები და ზოგჯერ საკუთარი ცუდიც ურჩევნიათ სხვის კარგს.  ის ორი სადისკუსიო საკითხი, რაც პროექტის კონსტიტუციასთან შესაფერისობასა და საპარლამენო კონტროლს გულისხმობს, ფაქტობრივად ამოიწურა.

დისკუსია ორი საკითხის გარშემო წარიმართა. პირველი, პასუხობს თუ არა ეს ცვლილებები საკონსტიტუციო ტესტს, რაც ნიშნავს იმას, არის თუ არა პროპორციული, შედეგიანი და თანაზომადი, ამ მიმართულებით, მგონი, პასუხები არის ამოწურული. ცვლილებაში პირდაპირაა ჩაწერილი, რომ ეს ზომები უპასუხებს და უნდა პასუხობდეს კონსტიტუციონალიზმის ტესტს. დისკუსიის ეს ნაწილი ვფიქრობ, რომ პრაქტიკულად მოიხსნა, თუ ვინმეს პოლიტიკური სპეკულაციების გაგრძელება სურს, ამაზე მთელი დღის განმავლობაში მზად ვართ.

მეორე, –  საუბარი იყო – ანგარიშვალდებულება და საპარლამენტო კონტოლი. ეს საკითხიც, პრაქტიკულად ამოწურულია, იმიტომ, რომ ეს ცვლილებები კონკრეტული ვადით იმოქმედებს, ამ ვადაში მთავრობასა და პრემიერ-მინისტრს რამდენჯერმე უწევს პარლამენტში ანგარიშვალდებულების ფარგლებში ანგარიშის გაკეთება. ამიტომ, ჩვენ გვექნება ზედამხედველობის სრული შესაძლებლობა არამხოლოდ ზოგადად, განხორციელებულ ღონისძიებაზე, ასევე სექტორების მიხედვით, როდესაც საქმე სამინისტროებს ეხება.

ხელისუფლებასა და ოპოზიციას შორის განსხვავება პოლიტიკური ღირებეულებების დონეზეა.

ყველა რეალური საფუძველი, რაზეც გუშინ აპელირება იყო, გამოირიცხა. ჩვენ შორის პოლიტიკური ღირებულებების დონეზე განსხვავება არის ის, რომ პოლიტიკურ დისკუსიას ჩვენ ვხედავთ, როგორც პოლიტიკურ პროცესს და თუ ამ დისკუსიით შედეგს მივიღებთ, ამას ვხედავთ როგორც პოზიტიურს, როგორც ნორმალური პოლიტიკური პროცესის შედეგს. არიან გარკვეული პოლიტიკური ჯგუფები, რომლებიც პოლიტიკურ დისკუსიას აღიქვამენ როგორც დესტრუქციის შედეგს.

მესმის,  მათ არ მოსწონთ სხვისი გაკეთებული კარგი საქმეები და წარმატებები. ზოგჯერ საკუთარი ცუდიც ურჩევნიათ სხვის კარგს. ჩვენი პოლიტიკური კულტურა და ღირებულებები არის ის, რომ ამ პოლიტიკურ პროცესში ვრჩებით, მას წარვმართავთ ნორმალურად და აქედან მიღებულ ნებისმიერ კარგ შედეგს ვაღიარებთ.

ეს არის, მეგობრებო, მომავლის პოლიტიკა. ის, ვინც რადიკალურად შორს არის ამ მიდგომებისგან, ვფიქრობ, დაკარგავს თავის პოლიტიკურ ადგილს მომავალში. ეს არის ჩვენი მოქალაქეების შესაფასებელი და ამას გვიჩვენებს არჩევნები“.

კომენტარები