„მე გავექეცი არა სამართალს, არამედ ტოტალურ უსამართლობას!“ – უვადო პატიმარი თემურ (ბაჩო) შარაშენიძე:

უვადო ტუსაღმა თემურ (ბაჩო) შარაშენიძემ პატიმრობიდან თავის დაღწევა იმ მომენტში სცადა, როცა ბათუმის ციხიდან თბილისის ერთ-ერთ საავადმყოფოში პროცედურების ჩასატარებლად ჩამოიყვანეს. ბადრაგმა პატიმრის გაქცევის მცდელობა დროულად აღკვეთა. არაფერია გასაოცარი იმაში, რომ უვადო პატიმარმა გაქცევა დააპიროს, მითუფრო, თუ უკურნებელი სენი – შარდის ბუშტის კიბო სჭირს, თუმცა ბაჩოსგან ამის ჩადენას მაინც არავინ ელოდა – მას ხომ, პატიმრობაში ყოფნის 16 წლის განმავლობაში ადმინისტრაციული და მითუმეტეს, არც სისხლის სამართლებრივი დარღვევა არ ჰქონია… და მაინც, რატომ გარბოდა უვადო პატიმარი, ან რას აპირებდა გაქცევის შემდეგ? ამის შესახებ ბაჩომ ვრცელი წერილი მისწერა თავის ადვოკატს, გელა ნიკოლაიშვილს…

###

ვინ არის თემურ (ბაჩო) შარაშენიძე?

თემურ (ბაჩო) შარაშენიძე პროფესიონალი სამხედროა, უშიშროების სამინისტროს სპეცდანიშნულების რაზმის ყოფილი წევრი. მონაწილეობდა აფხაზეთის ომში და დაჯილდოებულია “მხედრული მამაცობისთვის”. გასული საუკუნის 90-იან წლებში ტრაგიკული ინციდენტი შეემთხვა: მანქანაში ეჯდა მცირეწლოვანი შვილი, რა დროსაც თავს დაესხა ორი შეიარაღებული ადამიანი. იარაღი შუბლზე დაადეს და მოკვლა დაუპირეს, თუმცა, სროლა შარაშენიძემ დაასწრო და თავდამსხმელები ადგილზე დახოცა. მოწმეთა ჩვენებებისა და მტკიცებულებების საფუძველზეც დადასტურდა, რომ ეს იყო აუცილებელი მოგერიება. ამის გამო, ბაჩოს მიმართ, სისხლის სამართლებრივი დევნა არ დაწყებულა. 10 წლის განმავლობაში ეს საქმე არავის გახსენებია. სამაგიეროდ, სააკაშვილის რეჟიმის დროს გაახსენდათ!

###

ასე იქცა ბაჩო შარაშენიძე პატიმრად

2001 წელს სწორედ ბაჩომ გამოიგონა ლიფტის მოწყობილობა, რომლითაც დღეს უკვე მთელი თბილისი სარგებლობს. ყუთში ჩააგდებთ 10 თეთრიან მონეტას და კაბინა დაიძრება! გამოგონება „საქპატენტშიც“ არის რეგისტრირებული. მან ლიფტების ფირმა “კომპიუტერ ლენდი”ჩამოაყალიბა და დაიწყო საკმაოდ წარმატებული ბიზნესი. იმ პერიოდში მერიაშიც არსებობდა სახელმწიფო ორგანიზაცია “თბილლიფტი”, ასევე არსებობდა კერძო ფირმა “სერვის ლიფტი”, რომლის დირექტორიც იყო დავით ერაძე. მათ რომ დაინახეს, 5- და 10-თეთრიანებით შარაშენიძე დიდ თანხებს შოულობდა და მისი ბიზნესი წარმატებული გახდა, კონკურენტად ჩათვალეს და ხელაღებით იწყეს გამოგონების მითვისება. ერაძემ სააკაშვილის საახლობლობლოში გამნახა საიმედო მოკავშირე, პროკურორი მამუკა გვარამია, რომელიც ერაძეს შეპირდა, რომ „ბაჩოს ცას აღარ დაანახვებდა.“  ბაჩოს 2004 წლის მიწურულს, ცილი დასწამეს, თითქოს მისი გამოგონებით კონკურენტების ქონებას აზიანებდა და ორი წლით თავისუფლების აღკვეთა შეუფარდეს.  2006 წელს კი, ისევ მამუკა გვარამიას ჩარევით, 12 წლის წინ დახურული ის საქმე გაიხსენეს, როცა ბაჩომ მოგერიების ფარგლებში თავდამსხმელები დახოცა და 11 წელი მიუსაჯეს. ესეც არ აკმარეს…  უვა­დო პა­ტიმ­რო­ბა ზუ­რაბ ზუ­ბა­და­ლაშ­ვი­ლის მკვლე­ლო­ბის საქ­მე­ზე 2009 წელს შე­უ­ფარ­დეს.

No description available.

###

არის თუ არა მკვლელი, შარაშენიძე?

გა­ნა­ჩე­ნის დად­გო­მის დღი­დან შა­რა­შე­ნი­ძე თავს უდა­ნ­ა­შუ­ლოდ მი­იჩ­ნევს.  ის, რომ თა­ვის დრო­ზე შა­რა­შე­ნი­ძის საქ­მის გა­მო­ძი­ე­ბა პრო­კუ­რა­ტუ­რამ გა­ყალ­ბე­ბე­ბით აწარ­მოა, ეს პრო­კუ­რა­ტუ­რის სა­მარ­თალ­წარ­მო­ე­ბის პრო­ცეს­ში ჩა­დე­ნი­ლი და­ნა­შუ­ლის გა­მო­ძი­ე­ბის დე­პარ­ტა­მენ­ტმაც და­ად­გი­ნა. ხე­ლა­ხა­ლი გა­მო­ძი­ე­ბის შე­დე­გად და­ა­დას­ტუ­რა, რომ ბაჩო შა­რა­შე­ნი­ძეს ზუ­რაბ ზუ­ბა­და­ლაშ­ვი­ლის მკვლე­ლო­ბას­თან არა­ნა­ი­რი შე­ხე­ბა არ აქვს. ახა­ლი გა­მო­ძი­ე­ბის ფარ­გლებ­ში გა­მოვ­ლინ­და, რომ 2009 წელს მიმ­დი­ნა­რე გა­მო­ძი­ე­ბის პრო­ცეს­ში ბრალ­დე­ბის მხა­რე ახორ­ცი­ე­ლებ­და ზე­წო­ლას მოწ­მე­ებ­ზე და ის ჩვე­ნე­ბე­ბი, რომ­ლე­ბიც მა­შინ მოწ­მე­ებ­მა თე­ი­მუ­რაზ შა­რა­შე­ნი­ძის წი­ნა­ა­აღ­მდეგ მის­ცეს, ფსი­ქო­ლო­გი­უ­რი და ფი­ზი­კუ­რი ზე­წო­ლის შე­დე­გად არის მი­ღე­ბუ­ლი. თა­ვად მოწ­მე­ე­ბიც აღი­ა­რე­ბენ ზე­წო­ლის ფაქტს და აცხა­დე­ბენ, რომ ჩვე­ნე­ბა გა­უ­საძ­ლი­სი ძლა­დო­ბი­სა და მუ­ქა­რის გამო მის­ცეს.

ამასთან ერთად, ექ­სპერ­ტი­ზის დას­კვნის თა­ნახ­მად, მოკ­ლუ­ლის სხე­ულ­ში აღ­მო­ჩე­ნი­ლი ტყვი­ე­ბი შე­უძ­ლე­ბე­ლია გას­რო­ლი­ლი ყო­ფი­ლი­ყო მა­კა­რო­ვის სის­ტე­მის პის­ტო­ლე­ტი­დან, რომელიც ამ სის­ხლის სა­მარ­თლის საქ­მის მთა­ვა­რი მტკი­ცე­ბუ­ლე­ბაა. ეს დას­კვნა იმას მოწ­მობს, რომ გა­მო­ძე­ბა თა­ვის დრო­ზე ფალ­სი­ფი­ცი­რე­ბუ­ლი მტკი­ცე­ბუ­ლე­ბე­ბით წა­რი­მარ­თა. ყვე­ლა­ზე მნიშ­ვნე­ლო­ვა­ნი კი ის არის, რომ ამ საქ­მე­ში არ არ­სე­ბობს არ­ცერ­თი არა­თუ პირ­და­პი­რი, ირი­ბი მტკი­ცე­ბუ­ლე­ბაც კი, რო­მე­ლიც და­ა­დას­ტუ­რებ­და თე­ი­მუ­რაზ შა­რა­შე­ნი­ძის შემ­ხებ­ლო­ბას ზუ­რაბ ზუ­ბა­და­ლაშ­ვი­ლის მკვლე­ლო­ბას­თან.

უც­ნა­უ­რია, რა­ტომ არ მი­მარ­თავს პრო­კუ­რა­ტუ­რა სა­ა­პე­ლა­ციო სა­სა­მარ­თლოს შუ­ამ­დგომ­ლო­ბით, მა­შინ რო­დე­საც მის მი­ერ­ვე ჩა­ტა­რე­ბუ­ლი ხე­ლა­ხა­ლი გა­მო­ძი­ე­ბის პრო­ცეს­ში გა­მოვ­ლინ­და ახა­ლი გა­რე­მო­ე­ბე­ბი, მტკი­ცე­ბუ­ლე­ბე­ბი, რომ­ლე­ბიც ბაჩო შა­რა­შე­ნი­ძის უდა­ნა­შა­უ­ლო­ბას უს­ვამს ხაზს. სავარაუდოდ, ამის მიზეზია ის, რომ პროკურატურაში მოცემულ მომენტშიც კი, მაღალ თანამდებობაზე მუშაობს შარაშენიძის საქმის ერთ-ერთი გამყალბებელი პროკურორი, დავით ხიზანაიძე, რომელსაც შარაშენიძის გამართლების შემთხვევაში თავად მოუწევს პასუხისგება. ამას გარდა,  შარაშენიძე, როგორც ბიზნესმენი – კვლავ არასასურველ მეტოქედ მიიჩნევა, ამიტომ ნაცების რეჟიმმა მისი ციხეში ამოლპობა გადაწყვიტა, რასაც ახალი ხელისუფლებაც წარმატებით აგრძელებს.

###

რა გახდა გაქცევის საბაბი და რა წერია გაქცევის მცდელობის შემდეგ დაწერილ  წერილში?

როგორც ბაჩო შარაშენიძე თავის წერილში წერს, გაქცევის საბაბად იქცა რამდენიმე გარემოება:

1) 2020 წლის 30 ივნისს ბათუმის N -3 დაწესებულების დირექტორმა მას ცილი დასწამა და პირად საქმეში შეტანით საყვედური გამოუცხადა. საკანი, რომელშიც შარაშენიძე ზის – სავსეა ტარაკანებით; სიმსივნიან ავადმყოფ პატიმარს არ ეძლევა საშუალება, ციხის მაღაზიაში შეიძინოს ჯანმრთელობისთვის აუცილებელი საკვები პროდუქტები. ციხის ადმინისტრაცია იქცევა უსულგულოდ და არ ითვალისწინებს პატიმრების ისეთ პრობლემებს, რომლის გადაწყვეტა კანონის ფარგლებში შესაძლებელია.

2) ჩვენს ქვეყანაში „ქართული ოცნების“ სახით არის ნაცებზე არანაკლებ ბოროტი, მატყუარა და დაუნდობელი მთავრობა, რომელიც მას, სრულიად უდანაშაულო ადამიანს – უვადო პატიმრობით ციხეში ამყოფებს და ციხიდან თავის დაღწევის კანონიერ გზებს უხშობს. კანონში წერია, რომ ადამიანებს უსჯიან უმაღლეს სასჯელს – უვადო პატიმრობას. სინამდვილეში კი, ახორციელებენ „სამუდამო პატიმრობის“ კრიტერიუმებს და როგორ? თუ კაცმა მოიხადა 20 წელი უვადო სასჯელი, მას კანონით აქვს უფლება, მიმართოს სასამართლოს, რომ სასამართლომ გაათავისუფლოს პატიმრობიდან და დაუტოვოს 5 ან 10 წელი პირობითი სასჯელი. პრაქტიკაში კი, 20 წლის საპატიმრო ვადის გასვლის შემდეგ ან ეუბნებიან უარს, ან უსჯიან ვადიან სასჯელს – 35 (!) წელს! 35 წელის შემდეგ თუ ცოცხალი დარჩა – ვის დასჭირდება?

3)  პროკურატურამ წაუყრუა დაცვის მხარის მიერ აღმოჩენილ უტყუარ ახალ მტკიცებულებებს, რომლის მიხედვითაც შარაშენიძის სრული უდანაშაულობა მტკიცდება და არ შეიტანა სასამართლოში შუამდგომლობა, დამდგარიყო ამჯერად, გამამართლებელი განაჩენი.

ნამდვილად არ გაემტყუნება უდანაშაულოდ სიცოცხლის ბოლომდე ციხეში გამწესებულ 53 წლის პატიმარს, რომელსაც ავთვისებიანი სიმსივნე სჭირს, თუ პატიმრობიდან თავის დაღწევას გაქცევით შეეცდება. ან რას წააგებს? მას ხომ სამართლიანობის აღდგენის იმედიც კი მოუკლეს. მაგრამ, რას გააკეთებდა ბაჩო შარაშენიძე, მისი გაქცევის მცდელობა წარმატებით რომ დამთავრებულიყო? ამის შესახებ ის თავის წერილში წერს:

– „ალბათ მკითხავთ – გაქცევის შემდეგ რას ვაპირებდი? 4-5 დღით სადმე მივიმალებოდი. მერე კი, რამენაირად მოვძებნიდი ვინმე ჟურნალისტს, რომელსაც მობილურით ჩავაწერინებდი ჩემს მიმართვას, რომელსაც, რაღა თქმა უნდა, დავიწყებდი ბოდიშის მოხდით საზოგადოების მიმართ, რომ ვაკადრე მათ და გამოვიქეცი საპატიმროდან. ასევე, ბოდიშს მოვუხდიდი ჩემს გამო დასჯილ ბადრაგებს. შემდგომ კი, ვაპირებდი თქმას, რომ მე არ გავექეცი სამართალს! არამედ გავექეცი ტოტალურ უსამართლობას, რაც დაიწყო სააკაშვილის დროს და გაგრძელდა ივანშვილის პერიოდში!

მერე მოკლედ მოვყვებოდი ჩემს ამბავს და დავიფიცებდი, რომ როდესაც „პატრიოტთა ალიანსი“ გაიმარჯვებს არჩევნებში, მე ჩემი ფეხით მივალ და ჩავბარდები სამართალდამცველებს, ვინაიდან, მჯერა საქართველოს „პატრიოტთა ალიანსის,“ რომ შეასრულებენ დაპირებას და აღმიდგენენ სამართალს! ხოლო ჩემი საპატიმროდან გაქცევის გამო მოსჯილ სასჯელს მე უკვე სიამოვნებით მოვიხდი!

No description available.

მოამზადა ზაზა დავითაიამ

 

წყარო: „ასავალ-დასავალი“

 

ბაჩო შარაშენიძის წერილი სრულად შეგიძლიათ წაიკითხოთ ამ ბმულზე:

https://tvalsazrisi.ge/სამუდამო-პატიმარს-გაქცევ/?fbclid=IwAR2fy5ZGbEhH4tfb9KCTK90I8oOoP1LsoUOts51qS1wVQMEJj5IdVvnrwqs

 

კომენტარები