„მთავრობას აქვს კონკრეტული ხედვა, როგორ გამოვიდეთ კოვიდპანდემიით შექმნილი კრიზისიდან. ჩვენ კარგად გვესმის, საკმაოდ რთულ ვითარებაში“ – ირაკლი ღარიბაშვილი

პროექტის „100 საინვესტიციო შეთავაზება ბიზნესს“ პრეზენტაცია გაიმართა.

საქართველოს პრემიერ-მინისტრმა, ირაკლი ღარიბაშვილმა დღეს, პროექტის „100 საინვესტიციო შეთავაზება ბიზნესს“ პრეზენტაციაზე განაცხადა:

-„მთავრობას აქვს კონკრეტული ხედვა, როგორ გამოვიდეთ კოვიდპანდემიით შექმნილი კრიზისიდან. ჩვენ კარგად გვესმის, საკმაოდ რთულ ვითარებაში მოგვიწია ჩვენ ყოფნა და განსაკუთრებით თქვენ დაზარალდით კოვიდპანდემიის გამო, მოსახლეობა, ჩვენი ხალხი, მთლიანად ბიზნესი, რომელიც ძირითადი დამსაქმებელია ჩვენს ქვეყანაში და რეალური დოვლათის შემქმნელი. აქედან გამომდინარე, მთავრობის სახელით გულწრფელი მადლობა მინდა გადაგიხადოთ ყველაფრისთვის, რასაც თქვენ აკეთებთ ჩვენი ქვეყნის ეკონომიკის განვითარებისთვის. ჩვენი მოქალაქეების დასაქმებისა და რეალური განვითარების ფუნდამენტის შექმნისთვის.

რაც შეეხება დღევანდელ ღონისძიებას, ასე ვთქვათ, ეს არის პირველი ოფიციალური შეხვედრა თქვენთან, თუმცა სხვა ფორმატში დავიწყოთ აქტიური შეხვედრები და ვისაუბროთ ყველა იმ საჭირბოროტო საკითხზე, რომელიც თქვენს ბიზნესს აწუხებს. ბუნებრივია, ჩვენ კარგად გვესმის, ქვეყანაში ბევრი პრობლემაა. ხვალ გვექნება შესაძლებლობა უფრო ვიწრო ფორმატში ვისაუბროთ ყველა იმ ძირითად საკითხზე, რაც ბიზნესს დაუგროვდა, ყველა იმ პრობლემაზე, რაც თქვენ წინაშე არსებობს. მინდა დაგარწმუნოთ, ჩვენ კარგად გვაქვს გააზრებული ის, რომ საკმაოდ რთულ ვითარებაში ვიმყოფებით, ვინაიდან კოვიდპანდემია სერიოზული გამოწვევაა არა მარტო ჩვენი ქვეყნისთვის, არამედ მთელი მსოფლიოსთვის. ჩვენ გვაქვს კონკრეტული ხედვა, როგორ გამოვიდეთ ამ კრიზისიდან. მაქსიმალურად მოკლე ვადებში უნდა გავააქტიუროთ ვაქცინაცია ,ეს იქნება წინაპირობა,  მოსახლეობა გამოვიდეს და ეკონომიკა და ბიზნესი ამუშავდეს. მეორე მხრივ, ჩვენ უნდა დავიწყოთ აქტიური კოორდინაცია და თანამშრომლობა“, – განაცხადა ირაკლი ღარიბაშვილმა.

კომენტარები