„ნამახვანჰესს რაც შეეხება… – გაზი იქნება, წყლის ჭავლი, თუ რაც იქნება, თუ მოხდება ძალადობა პოლიციაზე, მათ კანონიერი უფლება აქვთ, ყველაფერი გამოიყენონ“-ვახტანგ გომელაური

შინაგან საქმეთა მინისტრმა ვახტანგ გომელაურმა ჟურნალისტებთან განაცხადა:

-„ნამახვანჰესს რაც შეეხება, ხედავთ, – რამდენიმე თვეა, პოლიციელები გუმათში დგანან და მაქსიმალურად ცდილობენ, შეხლა-შემოხლა არ მოხდეს. გუშინ ნახეთ, ხელი დაარტყეს პოლიციელს, რომელიც ძალიან ცუდი ფაქტია და ასეთი რაღაც არ უნდა ხდებოდეს. ასეთი რამ არ მომხდარა ამ დრომდე. აქციის მონაწილეებიც და პოლიციელებიც იცავდნენ დისტანციას, იყვნენ ძალიან წყნარად. გუშინ რატომღაც აგრესია გამოხატეს. რკინის ჯებირები დაგვჭირდება, თუ დაბალი ჯებირები, იქიდან გამომდინარე, რომ იცით, იქ ერთხელ შიგნით ტექნიკა დაუწვეს, მოხდა მუშებთან შეხლა-შემოხლა და ადგილობრივ „ენკას“ ხელმძღვანელობასთან. აქციის მონაწილეები რომ შევუშვათ, მოხდება უფრო მეტი დაძაბულობა, დაშავდნენ კიდეც მოქალაქეები. სპეცრაზმიც განმუხტავს და მუხტავენ კიდეც ვითარებას პოლიციელები. სპეცდანიშნულების რაზმს, რაც აქვს აღჭურვილობა, მათ შორის გაზი იქნება, წყლის ჭავლი, თუ რაც იქნება, თუ მოხდება ძალადობა პოლიციაზე, მათ კანონიერი უფლება აქვთ, ყველაფერი გამოიყენონ.

გუმათში, კომპანია „ენკას“ სამშენებლო ბაზასთან „ნამახვანჰესის“ მოწინააღმდეგეებსა და პოლიციას შორის დაპირისპირება მოხდა. სამართალდამცველები აქციის მონაწილეებს ჰესის მშენებლობის ადგილზე მისვლის საშუალებას არ აძლევდნენ, – „ნამახვანჰესის“ მოწინააღმდეგებსა და პოლიციას შორის რამდენჯერმე ფიზიკური დაპირისპირება მოჰყვა.

კომენტარები