პირველად შეძლეს კორონავირუსით ხელახლა ინფიცირების შემთხვევის გამოვლენა

ჰონგ კონგელმა მეცნიერებმა პირველად შეძლეს „კოვიდ-19“-ით ხელახლა ინფიცირების შემთხვევის გამოვლენა

მათი ინფორმაციით,  33 წლის მამაკაცი კორონავირუსით პირველად 4,5 თვის წინ დაინფიცირდა, ახლა  ვირუსი მეორედ დაუდასტურდა.

ამ ინფორმაციას „ბიბისი“ ავრცელებს.

ეს არის პირველი შემთხვევა, როცა „კოვიდ-19“-ით ადამიანი მეორედ დაავადდა. კორონავირსის ინფექცია მამაკაცს ხელმეორედ მას შემდეგ დაუდასტურდა, როცა ესპანეთიდან სამშობლოში დაბრუნდა.

ჰონგ კონგელი მეცნიერები აცხადებენ, რომ კორონავირუსის გენომს ორი განსხვავებული შტამი აქვს. მეორე შტამი  მარტი-ივლისის პერიოდში ევროპაში  გავრცელებულის მსგავსია.

როცა მამაკაცი პირველად დაინფიცირდა,  მსუბუქი სიმპტომები ჰქონდა,  მეორედ –  არაფერი აწუხებდა.

ჰონგ კონგელი მეცნიერების კვლევის შედეგებით აღმოჩნდა, რომ, შესაძლოა, კორონავირუსის იმუნიტეტი  სულ რამდენიმე თვე შენარჩუნდეს.