პროკურატურამ მიხეილ კალანდიას ბრალი ოფიციალურად წაუყენა
პროკურატურამ ხორავას ქუჩაზე დავით სარალიძის განზრახ, ჯგუფურად დამამძიმებელ გარემოებებში მკვლელობის საქმეზე დაკავებულ მიხეილ კალანდიას ბრალი ოფიციალურად წაუყენა.
„მ.კ.-ს ბრალი წარედგინა საქართველოს სისხლის სამართლის კოდექსის 109-ე მუხლის მე-2 ნაწილის „ბ“ და „ე“ ქვეპუნქტებით გათვალისწინებული დანაშაულის ჩადენისათვის, წინასწარი შეცნობით არასრულწლოვნის განზრახ, ჯგუფურად მკვლელობის ბრალდებით“, – აცახდებენ გენერალურ პროკურატურაში.
ცნობისთვის, მიხეილ კალანდია ხორავას ქუჩაზე დავით სარალიძის ჯგუფურად, დამამძიმებელ გარემოებებში ჩადენილი მკვლელობის ბრალდებით სამართალდამცავებმა გუშინ დააკავეს.
ბრალდებულის ადვოკატის ინფორმაციით, მიხეილ კალანდია წარდგენილ ბრალში თავს დამნაშავედ არ ცნობს.
კომენტარები