ჟურნალი  “Conde Nast Traveler”  მკითხველს საქართველოში მოგზაურობას ურჩევს

სამოგზაურო ჟურნალი “Conde Nast Traveler” სტატიას აქვეყნებს და მკითხველს საქართველოში მოგზაურობას ურჩევს.

“Conde Nast Traveler”-ის ჟურნალისტმა საქართველოში იმოგზაურეს და ქვეყნის ტურისტულ მიმართულებებს გაეცნენ.

სტატიაში აღწერილია საქართველოს მთიანი რეგიონები, შავი ზღვისპირა კურორტები და ძველი თბილისის უბნები. სტატიის ავტორი თბილისის ღამის ცხოვრებას ბერლინს ადარებს.

„ტურიზმის ეროვნული ადმინისტრაცია აგრძელებს აქტიურ მარკეტინგულ კამპანიებს. ჩვენ ძირითადი აქცენტი ბრიტანეთის ბაზარზე გავაკეთეთ, პლატფორმასთან ერთად ბევრი ვიმუშავეთ სწორი მესიჯების გამოსატანად – იმ 10 ადგილის და 10 მიზეზის იდენტიფიცირების შესახებ, თუ რატომ უნდა იმოგზაურონ ადამიანებმა საქართველოში. ბუნებრვია, ჩვენი ძირითადი მესიჯები ეხება იმას, რომ საქართველო არის ღვინის სამშობლო, ამასთანავე გამორჩეული ქვეყანა თავისი სტუმარმასპინძლობით და რომ საქართველო არის, იყო და იქნება უსაფრთხო ტურისტული მიმართულება. აღნიშნული სტატია გამოცემიდან რამდენიმე საათში უკვე ნახა ათიათასობით ადამიანმა, პლატფორმიდან გამომდინარე ჩვენ დიდი მოლოდინი გვაქვს, რომ მომდევნო პერიოდის განმავლობაში მილიონობით ადამიანი წაიკითხავს Conde Nast Traveler -ის სტატიას და გაუჩნდება სურვილი, რომ იმოგზაურონ საქართველოში“, – განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

კომენტარები