„სასიამოვნო სიახლე -18 ორგანიზაცია, რომლებმაც გამოხატეს აკრედიტაციის“-გიორგი ფხაკაძე

პროფესორი, ორგანიზაცია „აკრედიტაცია საზღვრების გარეშე“ ხელმძვანელი გიორგი ფხაკაძე:
-„სასიამოვნო სიახლე – ერთი კვირის განმავლობაში „საქართველოს აკრედიტაციის ინიციატივაში“ განაცხადი 18 სამედიცინო დაწესებულებამ შეიტანა.
 გაფართოვდა გეოგრაფიული არეალიც: საკრედიტაციის გავლის სურვილი გამოთქვეს თბილისის, ბათუმის, რუსთავის, ქუთაისის, გარდაბნის სამედიცინო დაწესებულებებმა;
პროცედურა არის შემდეგი:
– ორგანიზაციებს შემოაქვთ განაცხადი, რის შემდეგაც ორგანიზაციებს ვუგზავნით შეტყობინებას, როგორია პროცედურა. დაწესებულება ამ კრიტერიუმების გაცნობიას შემდეგ პროცესის გაგრძელების სურვილს თუ გამოთქვამს, მას ეგზავნება კონტრაქტი, – ეს არის ფრანგული ორგანიზაციის „აკრედიტაცია საზღვრების გარეშე“ . ხელშეკრულება. კონტრაქტზე ხელმოწერის შემდეგ ხდება აკრედიტაციის პროცესის დაწყება.
18 ორგანიზაცია, რომლებმაც გამოხატეს აკრედიტაციის გავლის სურვილი. (ერთი საავადმყოფო, ერთი დიაგნოსტიკური ცენტრი, რამდენიმე პოლიკლინიკა, რამდენიმე სტომატოლოგიუტრი კლინიკა :
ᲒᲐᲜᲐᲪᲮᲐᲓᲘ ᲨᲔᲛᲝᲢᲐᲜᲘᲚᲘᲐ ᲐᲙᲠᲔᲓᲘᲢᲐᲪᲘᲐᲖᲔ:
25/03/2021 – „ულტრამედი”, ამბულატორიული კლინიკა, ზღვის უბანი, ურეკის ქ. 15, სავაჭრო ცენტრი, თბილისი
26/03/2021 – „თქვენი კლინიკა”, ამბულატორიული კლინიკა, პ. ქავთარაძის ქ. 40, თბილისი
26/03/2021 – „სტომატოლოგიური კლინიკა ჰებე”, ცტომატოლოგიური კლინიკა, ცაგარელის ქ. 3, თბილისი
26/03/2021 – „დენტალ ლაინი”, სტომატოლოგიური კლინიკა, გორგასლის ქ. 63, თბილისი
26/03/2021 – „მედიქლაბჯორჯია”, საავადმყოფო, ტაშკენთის ქ. 22ა, თბილისი
27/03/2021 – „ჰელიოდენსი”, სტომატოლოგიური კლინიკა, ონიაშვილის ქ. 89, თბილისი
29/03/2021 – „N მედი ქლაბი”, ამბულატორიული კლინიკა, სულხან ცინცაძის ქ. 49, თბილისი
29/03/2021 – „დენტალ მედი” სტომატოლოგიური კლინიკა, ალექსამდრე კაზბეგის ქ. 35, თბილისი
30/03/2021 – „დენტ თაუნი”, სტომატოლოგიური კლინიკა, დავით სარაჯიშვილის გამზირი 5, თბილისი
1/04/2021 – შპს. „მ.ტატიშვილის სტომატოლოგიური სპა ცენტრი”კლინიკა „დენტალ სპა”, სანდრო ეულის 5 ა, თბილისი
2/04/2021 – „ულტრაბგერა”, დიაგნოსტიკური კლინიკა, პეტრე ქავთარაძის ქ. 40, თბილისი
4/04/2021 – „სმაილ გალერი”, სტომატოლოგიური კლინიკა, დ. თავდადებულის ქ. 28, ბათუმი
05/04/2021 -„დენსი“, სტომატოლოგიური კლინიკა, კოსტავას გამზ.N11, რუსთავი
05/04/2021 – „დენსი-გარდაბანი”, სტომატოლოგიური კლინიკა, აღმაშენებლის ქ. N6, გარდაბანი
05/04/2021 -დენსი, „ყიფშიძე 2014“, სტომატოლოგიური კლინიკა, ყიფშიძის N2ბ, თბილისი
05/04/2021 – დენსი, „ბუდაპეშტი 2019“, სტომატოლოგიური კლინიკა, ფანჯიკიძის N22, თბილისი
05/04/2021 – დენსი, სტომატოლოგიური კლინიკა, შარტავას ქ. N17, რუსთავი
05/04/2021 – „დენტალ-ლიდერი”, სტომატოლოგიური კლინიკა, ჭავჭავაძის ქუჩა 52/21, ქუთაისი
ოთხ ორგანიზაციასთან უკვე გაფორმებულია იურიდიული კონტრაქტი და მიმდინარე კვირას ვიწყებთ მუშაობას აკრედიტაციის პროცესზე.
ეს ორგანიზაციებია:
ᲐᲙᲠᲔᲓᲘᲢᲐᲪᲘᲘᲡ ᲞᲠᲝᲪᲔᲡᲨᲘᲐ
31/03/2021 – „მედიქლაბჯორჯია”, საავადმყოფო, ტაშკენთის ქ. 22ა, თბილისი
​31/03/2021 – „სტომატოლოგიური კლინიკა ჰებე”, ცტომატოლოგიური კლინიკა, ცაგარელის ქ. 3, თბილისი
​31/03/2021 – „თქვენი კლინიკა”, ამბულატორიული კლინიკა, პ. ქავთარაძის ქ. 40, თბილისი
2/04/2021​ – ‘„ჰელიოდენსი”, სტომატოლოგიური კლინიკა, ონიაშვილის ქ. 89, თბილისი
აკრედიტაციის გასავლელად საჭიროა 5 ძირითადი სტანდარტის დაკმაყოფილება:
1.როგორ უყურებს სამედიცინო დაწესებულება უწყვეტი სამედიცინო განათლების საჭიროებას? თვლის თუ არა, რომ ეს არის აუცილებელი? უწყვეტ სამედიცინო განათლებასთან დაკავშირებით არის 5 კითხვა, ჯამურად 30 ქულით ფასდება.
2.სამედიცინო აპარატურის მინიმალური სტანდარტი. არის 4 შეკითხვა. აპარატურა, რომელიც არის სამედიცინო დაწესებულებაში., კარგია თუ ცუდი და გამართულად თუ მუშაობს?
3.ინფექციის კონტროლი – ეს მნიშვნელოვანი საკითხია. იცავს თუ არა თუ იცავს დაწესებულება შესაბამის რეგულაციებს? აქაც მინიმალურ სტანდარტებზეა საუბარი.
4.გამჭვირვალობა და ანგარიშვალდებულება – დაწესებულება ელექტრონული ჯანდაცვის სისტემას თუ იყენებს, ანგარიშებს თუ აწარმოებენ, თუ არიან გამჭვირვალეები, – აქვთ თუ არა ვებგვერდი, ფეისბუქი და ა.შ. თავიანთ საქმიანობაზე ინფორმაციას საზოგადოებას საჯაროდ თუ აწვდიან;
5.ხელმისაწვდომობა და უსაფრთხოება – თუ არის დაცული სახანძრო უსაფრთხოება,არის თუ არა დაწესებულება ხელმისაწვდომი შშმ პირებისათვის. ასევე, დაწესებუკების სივრცე თამბაქოსგან თავისუფალია თუ არა;
ხუთივე ინფდიკატორი არის მინიმალური და წესით, ნებისმიერმა დაწესებულებამ იოლად უნდა გაიაროს. პირველი ვარსკვლავის მიღება იქნება მარტივი
აკრედიტაციის ინიციატივის მთავარი მიზანია, პირველ ეტაპზე სტანდარტები იყოს მინიმალური, ორგანიზაციებმა გადალახვა მარტივად რომ შეძლონ. სადაც გამოწვევები ექნება, მათ გადალახვაში დავეხმარებით;
ჩვენი კონცეფციაა – კარგი და ძალიან კარგი სამედიცინო დაწესებულებები გვქონდეს;
ფეისბუქგვერდზე განთავსებულია ინფორმაცია აკრედიტაციის მსურველ დაწესებულებებზე ,გთხოვთ, მოიწონოთ – ისინი არიან პირველები, მათი ნაბიჯი დაფასებელია. აკრედიტაციის მიღების სურვილი რახან გამოთქვეს, ეს უკვე ნიშნავს, რომ მათთვის ხარისხი პრიორიტეტია, ხოლო პაციენტი არის მთავარი!
გთხოვთ, გააზიაროთ აკრედიტაციის ვებგვერდი (ლინკი), რათა მქაიმალურად მოხდეს ცნობადობის ამაღლება და ჯანდაცვის სისტემაში ხარისხის გაუმჯობესების პროცესი დაჩქარდეს.
თქვენი თხოვნის საფუძველზე, გავზარდე იმ დაწესებულებების სია, რომლებზეც თქვენ შეგიძლიათ, გასცეთ რეკომენდაცია.
ეს არის გამოკითხვის პლატფორმა, სადაც თქვენ შეგიძლიათ, შეაფასოთ დაწესებულება 1-დან 5 ვარსკვლავამდე, შეგიძლიათ საჯაროდ დატოვოთ კომენტარები. ეს დაწესებულებებისთვისაც საინტერესო იქნება, გაიგებენ, რა დამოკიდებულება აქვთ მათ მიმართ მომხმარებლებს. კარგი იქნება, საავადმყოფომ მოქალაქეთა შეკითხვებს ასევე საჯაროდ უპასუხოს.
ორმხრივ დიალოგს და საჯაროობას ალტერნატივა არა აქვს. ეს არის ეფექტური კომუნიკაცია.
შეიძლება, ყველა ორგანიზაციამ ვერ გაიაროს აკრედიტაცია, მაგრამ ეს არ ნიშნავს, რომ ცუდია. უბრალოდ, უნდა იფიქროს, როგორ გააუმჯობესოს თავისი სისტემები.
მივმართავ სამედიცინო დაწესებულებებს, გავიაროთ აკრედიტაცია, ვაჩვენოთ მოსახლეობას, რომ თქვენ ხართ პასუხისმგებლიანი ორგანიზაცია; ის, რაც ხდება თქვენს დაწესებულებაში, არის ღია, გამჭვირვალე, უსაფრთხო და, რაც მთავარია, თქვენ ხართ პაციენტზე ორიენტირებული.;
ეს არის არაპოლიტიკური, არასახელმწიფო, დამოუკიდებელი, ნებაყოფლობითი სააკრედიტაციო პროცესი, სადაც დამოუკიდებელი ექსპერტები ღებულობენ გადაწყვეტილებას.
მოგმართავთ მოქალაქეებს, რომელიმე სამედიცინო დაწესებულებაში , შეეკითხეთ, გადიან თუ არა ისინი აკრედიტაციას? აკრედიტაციის შემდეგ თქვენ გეცოდინებათ სამედიცინო დაწესებულებების ძლიერი და სუსტი მხარეები და იოლად მიიღებთ გადაწყვეტილებას, რომელს მიმართოთ.
ჩვენ უნდა გადავიდეთ რაოდენობრივი ჯანდაცვიდან ხარისხიან ჯანდაცვაზე.
საქართველოში არიან ძალიან პროფესიონალი ექიმები, ექთნები, სანიტრები და მოსახლეობამ მათ შესახებ უნდა იცოდეს, უნდა დავაფასოთ!
კიდევ ერთხელ დიდი მადლობა იმ 18 ორგანოზაციას, ვინც უკვე მოგვმართა, ასევე მათ, ვინც მომავალში ჩვენთან თანამშრომლობას გადაწყვეტს.
მიმდინარე კვირას მექნება რამდენიმე ლაივი, სადაც კონკრეტულად ვისაუბრებ აკრედიტაციის პროცესზე, პროცედურებზე, ვუპასუხებ თქვენს შეკითხვებს.
გისურვებთ ჯანმრთელობას. წარმატებები ჩვენ!“

გიორგი ფხაკაძე საქართველოს სამედიცინო

დაწესებულებების დამოუკიდებელი შეფასებისა და აკრედიტაციის ინიციატივით გამოდის.

აღნიშნული ინიციატივა ფრანგული ორგანიზაციის – „აკრედიტაცია საზღვრების გარეშე“ – მიერ არის მხარდაჭერილი.

„საქართველოს აკრედიტაციის ინიციატივა“ გულისხმობს საქართველოს სამედიცინო დაწესებულებების ხარისხის კონტროლის ამაღლებას.

კომენტარები