“სვობოდნაია როსია” საქართველოში დესტაბილიზაციას ამზადებს – საქინფორმი

“დღეს საქინფორმი აგრძელებს ჟურნალისტურ გამოძიებას საქართველოში ამერიკული ფონდის „სვობოდნაია როსიას“ და სამხრეთ კავკასიაში მისი ფილიალის დირექტორის ეგორ კუროპტევის ძირგამომთხრელი ანტისახელმწიფოებრივი საქმიანობის შესახებ.

საქართველოში ფუნქციონირება დაიწყო ამერიკული ანტირუსული ფონდის „თავისუფალი რუსეთის“ ფილიალმა – იცის თუ არა ამის შესახებ ბიძინა ივანიშვილმა?

2019 წლის ივნისში საპროტესტო აქციები და რუსეთის სახელმწიფო დუმის დეპუტატებზე თავდასხმა თბილისში ამერიკულმა არასამთავრობო ორგანიზაცია „სვობოდნაია როსიამ“ მოაწყო

ვისთან თანამშრომლობს ამერიკული ფონდის – „СВОБОДНАЯ РОССИЯ“ ფილიალის ხელმძღვანელი ეგორ კუროპტევი – ფოტოები, რომლებიც კომენტარს არ საჭიროებენ.

2019 წლის თებერვლიდან თბილისში მოქმედებს ამერიკული არასამთავრობო ორგანიზაციის ფილიალი – ფონდი „სვობოდნაია როსია“, დივერსიული ანტიქართული ორგანიზაციისა, რომელსაც ხელმძღვანელობს საქართველოს სპეცსამსახურებისათვის ხელშეუხებელი სამმაგი აგენტი – რუსი „ჟურნალისტი“ ეგორ კუროპტევი. როგორც საქინფორმი იტყობინებოდა, ეს ფონდი შეიქმნა ვაშინგტონში აშშ–ის სახელმწიფო დეპარტამენტის, აშშ–ის საერთაშორისო განვითარების სააგენტოს (USAID), სოროსისა და როკფელერის ფონდების თანხებით. თავის მხრივ, ეგორ კუროპტევი ცნობილია საქართველოში თავისი აქტიური პოლიტიკური და ჟურნალისტური საქმიანობით, რომელიც თანამშრომლობს “ქართული” ოპოზიციის წარმომადგენლებთან. მაგალითად, ე.წ. “გავრილოვის ღამემდე” რამდენიმე დღით ადრე კუროპტევი შეხვდა მიხეილ სააკაშვილის მეუღლე სანდრა რულოვსს (იხილეთ ზემოთ, ბმულზე დაწკაპუნებით). კუროპტევმა ასევე შექმნა ვიდეობლოგი YouTube- ზე “სასაზღვრო ზონა”, სადაც საკუთარ ინტერვიუებს აქვეყნებს სხვადასხვა ქართველ ოპოზიციონერსა და საქართველოს ამერიკელ კურატორებთან – კონგრესმენებთან, ექსპერტებთან, სპეცსამსახურებისა და სახელმწიფო სტრუქტურების თანამშრომლებთან, რომლებიც თანაბრად უარყოფითად ეკიდებიან, როგორც საქართველოში მოქმედ ხელისუფლებას, ასევე აშშ-ს პრეზიდენტ დონალდ ტრამპს.

გარდა ამისა, ეგორ კუროპტევი არის ”თავისუფალი რუსეთის” მიერ მომზადებული სკანდალური მოხსენების ”ევროპა და კრემლის გავლენა” ქართული ნაწილის ავტორი.

ამ ნაშრომში რუს-ქართველმა ოპოზიციონერმა მკვეთრად გააკრიტიკა საქართველოს მართლმადიდებელი ეკლესიის წარმომადგენლები, რომლებიც საჯაროდ ემხრობიან ტრადიციული ღირებულებების შენარჩუნებას. კუროპტევმა განაცხადა, რომ ქართველი სასულიერო პირები კრემლის პროპაგანდის გავლენის ქვეშ აღმოჩნდნენ და ამიტომ ეწინააღმდეგებიან ლგბტ–თემის პროპაგანდას. იმის შესახებ, რომ საუკუნეების განმავლობაში ქრისტიანობა არ იწონებდა ერთსქესიან ურთიერთობებს, კუროპტევი გაჩუმდა ან უბრალოდ დაავიწყდა …

2020 წლის თებერვალში, „სვობოდნაია როსიას“ ვებგვერდზე ეგორ კუროპტევმა გამოაქვეყნა მორიგი პროვოკაციული გამოძიება ”საქართველო გზაჯვარედინზე” (Georgia at a crossroads“). მასში ჟურნალისტი ცდილობს სასურველის სინამდვილედ გაასაღოს. მისი თქმით, საქართველოში მმართველ პარტიას სულ უფრო და უფრო ნაკლები ხალხი უჭერს მხარს, ხოლო საქართველოს მოქალაქეთა აბსოლუტური უმრავლესობა სახელმწიფოსგან ხისტ პოზიციას ელის რუსეთის მიმართ. საინტერესო ფაქტია, რომ საერთაშორისო რესპუბლიკური ინსტიტუტის (IRI) გამოკითხვები, რომლებსაც თავად კუროპტევი დამოუკიდებლად და ზუსტად თვლის, ოპოზიციონერის დასკვნებს ეწინააღმდეგება.

მოხსენების – “საქართველო გზაჯვარედინზე” ცალკე პუნქტი მოიცავს რეკომენდაციებს 2020 წლის 31 ოქტომბრის საპარლამენტო არჩევნებისათვის. კერძოდ, კუროპტევი საჭიროდ მიიჩნევს აქტივისტების უკონტროლო ქსელის შექმნას საქართველოს თითოეულ ქალაქში, რეგიონში და სოფელში, რომლებიც გაერთიანდება საკოორდინაციო ცენტრის მიერ. 2019 წლის 22-23 ივნისის მოვლენებმა (“გავრილოვის ღამე” – იხილეთ ბმული ზემოთ) აჩვენა, რომ რადიკალური ოპოზიციის წევრები, რომლებიც მიზნად ისახავენ საქართველოში სიტუაციის დესტაბილიზაციას, მოქმედებენ იმავე გეგმის შესაბამისად, ცდილობენ შექმნან საპროტესტო აქტივი დიდი მობილიზაციის პოტენციალით, რომელიც დაგეგმილ პროვოკაციებს განახორციელებს მთელ საქართველოში.

შეგვიძლია მხოლოდ ვივარაუდოთ, თუ კიდევ რა მიზნებს ისახავს “რუსი ჟურნალისტი” საქართველოში.

განსაკუთრებული ყურადღება უნდა დაეთმოს იმ ფაქტს, რომ ეგორ კუროპტევი არ არის საქართველოს მოქალაქე. ეს ფაქტი უნდა აინტერესებდეს შესაბამის კომპეტენტურ ორგანოებს, ვინაიდან კუროპტევის საქმიანობა საქართველოში შეიძლება შეფასდეს მხოლოდ როგორც დაუფარავი მომზადება ჩვენი ქვეყნის საშინაო საქმეებში ჩარევისთვის”, – საქინფორმის ჯურნალისტური გამოძიება.

 

წყარო: “saqinform.ge”.

კომენტარები