სომხეთის პრემიერ-მინისტრი ნიკოლ ფაშინიანი და აზერბაიჯანის პრეზიდენტი ილჰამ ალიევი მოსკოვში ჩავიდნენ

სომხეთის პრემიერ-მინისტრი ნიკოლ ფაშინიანი და აზერბაიჯანის პრეზიდენტი ილჰამ ალიევი მოსკოვში ჩავიდნენ.

კრემლის პრესსამსახურის ინფორმაციით,   სამმხრივი შეხვედრა ვლადიმერ პუტინის ინიციატივით გაიმართება. მხარეები მთიან ყარაბაღზე მიღებული საზავო შეთანხმების განხორციელების გზებს და რეგიონის პრობლემის გადასაწყვეტად სამომავლო ნაბიჯებს განიხილავენ.

-„ნიკოლ ფაშინიანი რუსეთის და აზერბაიჯანის პრეზიდენტებთან შეხვედრაზე მთიანი ყარაბაღის კონფლიქტზე ისაუბრებს“, – განაცხადა რუსეთში სომხეთის ელჩმა, ვარდან ტოგანიანმა.

-„აზერბაიჯანის პრეზიდენტი, ილჰამ ალიევი უკვე მოსკოვშია , დელეგაცია  კრემლისკენ მიემართება“, – განაცხადა რუსეთში აზერბაიჯანის ელჩმა, ფოლად ბულბულოღლიმ.