958 გამოვლენილი კოვიდინფიცირებიდან 400-მდე შემთხვევა თბილისში – 4 კოვიდინფიცირებული გარდაიცვალა

საქართველოში კორონავირუსი კიდევ 958 ადამიანს დაუდასტურდა, 214 პაციენტი  გამოჯანმრთელდა.

გასული 24 საათის განმავლობაში საქართველოში 4 კოვიდინფიცირებული გარდაიცვალა.

2 კოვიდინფიცირებული თბილისში გარდაიცვალა, ორი კი – ბათუმში.

958 გამოვლენილი კოვიდინფიცირებიდან 400-მდე შემთხვევა თბილისში დადასტურდა, აჭარაში – 226 ახალი დადასტურებული შემთხვევა, იმერეთში – 332 ახალი შემთხვევაა, სამეგრელო-ზემო სვანეთში – 27 ახალი შემთხვევა, ქვემო ქართლში 20, შიდა ქართლში – 14, მცხეთა-მთიანეთში 15 ახალი შემთხვევაა, კახეთში – 13, სამცხე-ჯავახეთში 8 და ყველაზე ცოტა, 6 შემთხვევაა გურიაში.

ამ დროისთვის საქართველოში კორონავირუსის 16 285 შემთხვევაა დადასტურებული, გამოჯანმრთელებულია 7827 ადამიანი, გარდაიცვალა 128 პაციენტი.

კარანტინის რეჟიმში 5900 ადამიანი რჩება, სტაციონარში მეთვალყურეობის ქვეშ – 836, კოვიდ სასტუმროში – 1388, უცხოეთიდან სამკურნალოდ გადმოყვანილია საქართველოს 41 მოქალაქე.

კომენტარები