უმკაცრესად გმობს ძალადობის – აშშ-ის სახელმწიფო დეპარტამენტი სომხეთსა და აზერბაიჯანს ძალადობის შეწყვეტისკენ მოუწოდებს

-„აშშ სომხეთსა და აზერბაიჯანს ძალადობის შეწყვეტისკენ მოუწოდებს. აშშ უმკაცრესად გმობს ძალადობის ესკალაციას. სახელმწიფო მდივნის მოადგილე ესაუბრა აზერბაიჯანისა და სომხეთის საგარეო საქმეთა მინისტრებს, რათა მოუწოდოს მათ, დაუყოვნებლივ შეწყდეს ძალადობა, გამოიყენონ პირდაპირი კომუნიკაციის მოქმედი არხი, რათა ესკალაცია არ გაგრძელდეს და მოერიდონ უსარგებლო რიტორიკასა და ქმედებებს, ეს ტემპერატურას კიდევ უფრო ზრდის.

ძალადობის ესკალაციაში გარე ძალების მონაწილეობა უსარგებლო იქნება და დაძაბულობას კიდევ უფრო გაზრდის. ვაშინგტონში მიიჩნევენ, მთიანი ყარაბაღის კონფლიქტის გადაჭრა მხოლოდ მშვიდობიანი გზით არის შესაძლებელი.“, – აღნიშნულია სახელმწიფო დეპარტამენტის მიერ გავრცელებულ განცხადებაში.

 მთიანი ყარაბაღის კონფლიქტის ზონაში ვითარება დღეს დილიდან დაიძაბა. სომხეთი და აზერბაიჯანი სიტუაციის ესკალაციაში და ცეცხლის გახსნაში ერთმანეთს ადანაშაულებენ. 

სომხეთისა და აზერბაიჯანის შეიარაღებულმა ძალებმა საბრძოლო მოქმედებები განაახლეს, სულ მცირე, 21 ადამიანი დაიღუპა. გარდა სამხედროებისა, დაღუპულთა შორის სამოქალაქო პირებიც არიან. ამის შესახებ Reuters-ი წერს.

მთიანი ყარაბაღის ავტონომიური რესპუბლიკის ცნობით, „დაიბრუნეს რამდენიმე რეგიონი, რომელიც კვირას მომხდარი დაპირისპირებისას დაკარგეს“. საბრძოლო მოქმედებებისას მათი კიდევ 15 სამხედრო დაიღუპა.

27 სექტემბერს, საბრძოლო მოქმედებების შედეგად სომხეთის 550 სამხედრო დაიღუპა და დაიჭრა. აზერბაიჯანულმა ჯარმა 22 სომხური ტანკი და სხვა მძიმე ჯავშანტექნიკა, 18 უპილოტო საფრენი აპარატი და 3 საწყობი გაანადგურა. ამის შესახებ აზერბაიჯანის თავდაცვის სამინისტროში განაცხადეს.

ამის შესახებ Deutshce Welle წერს.

სომხურმა მხარემ მონაცემები დაღუპულების შესახებ უარყო. არაღიარებული მთიანი ყარაბაღის წარმომადგენლების ინფორმაციით, საბრძოლო მოქმედებების შედეგად სომხურმა მხარემ 31 ადამიანი დაკარგა.  სომხეთის თავდაცვის სამინისტრომ წარმომადგენელმა არწრუნ ოვანისიანმა განაცხადა, – ბაქომ 27 სექტემბერს 200-მდე სამხედრო დაკარგა. ამასთან განადგურდა 30 ტანკი და 20 უპილოტო საფრენი აპარატი. მანამდე, ბაქოში 5 დაღუპულის და 19 დაჭრილის შესახებ განაცხადეს.

დილით საბრძოლო მოქმედებები განახლდა.

სადავო მთიანი ყარაბაღის რეგიონის გამო სომხურ და აზერბაიჯანულ მხარეებს შორის სიტუაცია, 27 სექტემბერს დაიძაბა. იუწყება BBC .

სომხეთის პრემიერ-მინისტრის ნიკოლ ფაშინიანის განცხადებით, აზერბაიჯანმა მთიანი ყარაბაღის მიმართლებით საჰაერო და საარტილერიო შეტევა დაიწყო.

აზერბაიჯანული მხარის განმარტებით, ისინი სომხეთის მხრიდან, მთელი ფრონტის ხაზზე სროლებს პასუხობდნენ.დაღუპულია მშვიდობიანი მოსახლეობა.

ორ ქვეყანას შორის ხანგრძლივი კონფლიქტი ბოლო თვეების განმავლობაში განსაკუთრებულად გამწვავდა.

კომენტარები