ქუთაისში ბაზრის ტერიტორიაზე ხანძარი

საგანგებო სიტუაციიებს სამსახური ინფორმაციას ავრცელებს:

ქუთაისში ჭავჭავაძის ქუჩაზე, ბაზრის ტერიტორიაზე ხანძარი, წუხელ გაჩნდა.

ბაზრის ტერიტორიაზე გაჩენილი ხანძარი ლოკალიზებულია.

ადგილზე 8 სახანძრო-სამაშველო ჯგუფი მუშაობს. ცეცხლი ტანსაცმლის, პროდუქტისა და შერეული საქონლის ბაზრის ტერიტორიაზე არსებული ორსართულიანი შენობის მეორე სართულზე გაჩნდა. 40-ზე მეტი მეხანძრე-მაშველი ამ დროისთვის ხანძრის  სალიკვიდაციო სამუშაოებს განაგრძობს.

არსებობდა ცეცხლის დიდ ფართობზე გავრცელების საფრთხე, თუმცა მეხანძრე-მაშველების დროული რეაგირების შედეგად, მოხერხდა ხანძრის დროული ლოკალიზება. მომხდარის შედეგად არავინ დაშავებულა. შინაგან საქმეთა სამინისტრომ გამოძიება საქართველოს სსკ-ს 187-ე მუხლის მე-2 ნაწილით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს“.