„შეუძლებელია ერთ კომენტარში ჩაატიო და შეაფასო ის დიდი ღვაწლი და ის დიდი სიკეთე, რომელიც მოიტანა ბატონი ბიძინა ივანიშვილის პოლიტიკაში მოსვლამ – ისტორიაში უნდა გაიმიჯნოს მისი ქველმოქმედებითი საქმიანობა და მისი პოლიტიკური“ – ირაკლი ღარიბაშვილი
-„შეუძლებელია ერთ კომენტარში ჩაატიო და შეაფასო ის დიდი ღვაწლი და ის დიდი სიკეთე, რომელიც მოიტანა ბატონი ბიძინა ივანიშვილის პოლიტიკაში მოსვლამ. ალბათ, ისტორიაში უნდა გაიმიჯნოს მისი ქველმოქმედებითი საქმიანობა და მისი პოლიტიკური მოღვაწეობა. ადამიანი, რომელმაც გადადგა უპრეცედენტო ნაბიჯი და კიდევ ერთხელ დაგვიტოვა და გვაჩუქა, გვასწავლა უმაღლესი სტანდარტი სახელმწიფოებრივი ქცევის, რა თქმა უნდა, საჭიროებს მადლიერების გამოხატვას, პირველ რიგში. მის მოღვაწეობას სჭირდება მრავალი წელი იმისთვის, რომ ჩვენმა ხალხმა კიდევ ერთხელ კარგად შევაფასოთ, და შემდეგ დავაფასოთ მისი ეს საქმიანობა. ყველასთვის ცნობილია, რომ ზოგადად ძალაუფლება არის ყველაზე დიდი გამოწვევა და ყველაზე დიდი ცდუნება, რომელიც ადამიანს შეიძლება გამოეცადოს. ბიძინა ივანიშვილის დღევანდელი გადაწყვეტილება ადასტურებს იმას, რომ მას არასოდეს არ მართავდა ძალაუფლება და ჩვენ ასეთი არაერთი ისტორია ვიცით კაცობრიობის არსებობის მანძილზე. მისი დღევანდელი გადაწყვეტილება ადასტურებს იმას, რომ იგი თავად მართავდა ძალაუფლებას და თავად თქვა მასზე უარი. იმ ფონზე, როდესაც უპრეცედენტო გამარჯვების ფონზე, რეალურად ჩვენ თუ გადავხედავთ ჩვენი ახალგაზრდა დემოკრატიის ისტორიას ამ 30 წლის განმავლობაში, მაგალითი და პრეცედენტი არ მოიძებნება იმისა, რომ ადამიანს გაემარჯვოს მესამე ვადით, ხელისუფლებაში დარჩა და ამის შემდეგ თავად განაცხადა უარი. ამ ფენომენს სჭირდება კარგად დაფიქრება, შეფასება და ამის შემდეგ დაფასება. რისიც მე ძალიან მჯერა იმიტომ, რომ ადამიანი, რომელიც 20 წელზე მეტია საკუთარ ქვეყანას და ხალხს ემსახურება, როგორც საკუთარი, პირადი რესურსებით, ასევე პოლიტიკური მოღვაწეობით და მე შევახსენებ საზოგადოებას, რომ არა ბიძინა ივანიშვილი, ჩვენი ქვეყანა ვერ გათავისუფლდებოდა იმ მჩაგვრელი, მოძალადე რეჟიმისგან, რომელიც სულ რაღაც 9 თუ 10 წლის წინ ქვეყანაში იყო დამყარებული. აქედან გამომდინარე მე ვუერთდები ჩემი კოლეგების შეფასებებს და მადლიერების გრძნობით მინდა კიდევ ერთხელ აღვნიშნო ბიძინა ივანიშვილის მოღვაწეობა.
მთავარი მიღწევა და მიღწევები ძალიან ბევრია. ბიძინა ივანიშვილის პოლიტიკურ ცხოვრებაში არის ძალიან ბევრი, ძირითადი მიღწევები შეიძლება დაიყოს რამდენიმე კატეგორიად. პირველი მე გამოვყოფდი იმას, რომ სულ რაღაც რამდენიმე წლის წინ, 2012 წელს, ყველასთვის სანატრელი იყო თავისუფლება. აი, სწორედ თავისუფლება მისცა ბიძინა ივანიშვილმა, დაამკვიდრა კანონი და წესრიგი. ეს ალბათ არის ერთერთი მთავარი, ფუნდამენტური მონაპოვარი ბატონი ბიძინა ივანიშვილის მოღვაწეობის პოლიტიკაში. ამის შედმეგ რა თქმა უნდა ადამიანის უფლებების კუთხით, იქნება ეს ევროინტეგრაციის კუთხით, სერიოზული მიღწევა როგორიც არის ვიზა-ლიბერალიზაცია, უვიზო რეჟიმი, თავისუფალი ვაჭრობის ხელშეკრულება და ა.შ. ის რომ დღეს ნებისმიერი მოქალაქე არის თავისუფალი ეს არის რა თქმა უნდა ბატონი ბიძინას დამსახურება“, – განაცხადა თავდაცვის მინისტრმა, ირაკლი ღარიბაშვილმა.
ბიძინა ივანიშვილმა ქონების 95% საქველმოქმედო „ქართუ ფონდს“ გადასცა.
საქართველოს ყოფილმა პრემიერ – მინისტრმა, ბიძინა ივანიშვილმა პარტია “ქართული ოცნების” თავმჯდომარის თანამდებობა დატოვა.
კომენტარები