ამინდი გაუარესდება – მეწყრული პროცესების ჩასახვა – გააქტიურების საშიშროება
გარემოს ეროვნული სააგენტოს ინფორმაციით:
საქართველოში, 5 აპრილიდან ამინდი გაუარესდება. 5 აპრილს დღის ბოლოდან 6 აპრილის დილამდე საქართველოში (ძირითადად ქვეყნის დასავლეთ ნაწილში) მოსალოდნელია წვიმა და ელჭექი, ზოგან ძლიერი, მაღალმთაში თოვლი, დასავლეთის მიმართულების ძლიერი ქარი, ზღვაზე 3-4 ბალიანი ღელვა.
შესაძლებელია, ძლიერმა ნალექებმა საქართველოს მდინარეებზე წყლის დონეების მნიშვნელოვანი მატება გამოიწვიოს, დასავლეთ საქართველოს პატარა მდინარეებზე წყალმოვარდნების საშიშროებაა, მთიან ზონებში თოვლის ზვავების ფორმირებაა მოსალოდნელი, შესაძლებელია მეწყრული პროცესების ჩასახვა – გააქტიურება“.