ვინც პანდემიის გამო სამსახური დაკარგეს, 1200-ლარიან დახმარებას კვლავ მიიღებენ
-„ადამიანები, რომლებმაც პანდემიის გამო სამსახური დაკარგეს, 1200-ლარიან დახმარებას კვლავ მიიღებენ. პროგრამა 1-ლი იანვრიდან ამოქმედდება, მოქალაქეები 6 თვის განმავლობაში 200-200 ლარს მიიღებენ.
წინა ტალღის პერიოდში ამ დახმარებით ისარგებლა 125 ათასმა ადამიანმა. ვფიქრობთ, ამჯერადაც დაახლოებით იგივე ციფრი იქნება“, – განაცხადა პრემიერ-მინისტრმა, გიორგი გახარიამ.