თაკო ჩარკვიანის დედას კორონავირუსი დაუდგინდა – „აი ახლა კი ცუდად ვარ”
„კანონი და სამართალის” თავმჯდომარის, თაკო ჩარკვიანის დედას კორონავირუსი დაუდგინდა.
-„დედას დაუდასტურდა კოვიდი, აი ახლა კი ცუდად ვარ”, – წერს სოციალურ ქსელში თაკო ჩარკვიანი.
თაკო ჩარკვიანს კორონავირუსი, 11 სექტემბერს დაუდგინდა. მისი ვარაუდით, კორონავირუსი დეპუტატ ლევან გოგიჩაიშვილისგან გადაედო. ის და ლევან გოგიჩაიშვილი ერთ-ერთ გადაცემაში ერთად იმყოფებოდნენ .
-„2 სექტემბერს, ერთ-ერთ გადაცემაში ვიყავი, მიკროფონი, რომელიც ბატონ ლევან გოგიჩაიშვილს ეკეთა, შემდეგ მე გამიკეთეს. სხვა შეხება მასთან არ მქონია, მაგრამ მისი მიკროფონი მე გამიკეთეს” – განაცხადა თაკო ჩარკვიანმა.
კორონავირუსი დაუდგინდა ჩარკვიანის მეუღლეს, ბიზნესმენ ჯონი გიგანსაც. ამის შესახებ სტრატეგია აღმაშენებლის ლიდერმა გიორგი ვაშაძემ სოციალურ ქსელში დაწერა.
-„ჯანმრთელად ვარ და არანაირი სიმპტომი არ მაქვს. სამწუხაროდ, თაკო ჩარკვიანს და მის მეუღლეს დაუდგინდა კორონავირუსი, ვუსურვებ მალე გამოჯანმრთელებას,” – წერს გიორგი ვაშაძე.