თბილისში ითოვებს – საქართველოში ტემპერატურის კლებას ვარაუდობენ
„თბილისში მოსალოდნელია თოვლი და ნალექიანი ამინდი“ – განაცხადა “რუსთავი2”-თან გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსმა სვეტლანა ნიორაძემ.
16-17 იანვარს, თბილისში თოვლჭყაპს ვვარაუდობთ. გარეუბნებში და თბილისის შემოგარენში კი ნალექი თოვლის სახით იქნება მოსალოდნელი. ამ დღეებში ღრუბლიანი, ცივი და ნისლიანი ამინდი იქნება. ჰაერის დღის მაქსიმალური ტემპერატურა 16-ში და 17-ში +3-დან 5 გრადუსამდე იმერყევებს.
18 იანვარს დღისით ნალექი მოსალოდნელი არ არის. 19 იანვრიდან კი, აღმოსავლეთ საქართველოს ბარში და მათ შორის, თბილისში ღამით მინიმალური ტემპერატურა -4 გრადუსამდე იქნება. უნალექო ამინდი, დაახლოებით, 22 იანვრამდე შენარჩუნდება.