„ნაციონალი“ ბონდო თედორაძე სალომე სამადაშვილს უპირისპირდება -„არ ვაპირებ, ვინმეს პარტიის შიგნით გავუტარო „პეროობა“ ან რამე მსგავსი. ივანიშვილის წინააღმდეგ ბრძოლაში“
-„რამდენჯერ დაგვაკავეს, რამდენი უბედურება გადაგვხვდა თავს ამ რვა წლის განმავლობაში და ჯერ არ მახსოვს, სალომე სამადაშვილს და ბევრ ლიდერს კიდევ დაედოს პოსტი ჩვენზე და გამოეხატოს მხარდაჭერა ( პოსტზე ვსაუბრობ, პოსტზე).
ახლა კი, ბათუმში მომხდარ ფაქტს ამაზრზენი უწოდა და ყველას ვისაც მოეწონა, ასევე ამაზრზენად მოიხსენია!
საჯაროდ ვაცხადებ: ბიძინა ივანიშვილის წინააღმდეგ ბრძოლაში გვაქვს თავი გადადებული და არ ვაპირებ ვინმეს პარტიის შიგნით გავუტარო პეროობა და ან რამე მსგავსი!
ჩემი თუ გაინტერესებთ: თანამებრძოლი (თუნდაც დაუშვას შეცდომა) ბრძოლაში არ მიიტოვება!
არც მივატოვებ არავის! სხვა საკითხია რა მომწონს და რა არ მომწონს!“, – წერს „ნაციონალური მოძრაობის“ წევრი, ბონდო თედორაძე სოციალურ ქსელში, ბათუმში, აქციაზე დღეს მომხდარი ინციდენტის შესახებ – თანაპარტიელ სალომე სამადაშვილს უპირისპირდება.
აღნიშნულ ფაქტს „ნაციონალური მოძრაობის“ წევრმა, სალომე სამადაშვილმა ამაზრზენი უწოდა.
სალომე სამადაშვილი სოციალურ ქსელში წერს:
-„ამაზრზენია ის, რაც ბათუმში მოხდა. ერთნაირად სამარცხვინო ხალხია ის, ვინც ნაგავს აყრის ადამიანს და ისიც, ვინც ამას მიესალმება“.