+18 – „სხვა ადგილას მოკლეს… კისრის არეში აქვს ჭრილობები, ხელის თითებიც დასერილი აქვს, გაუპატიურება არ დასტურდება…” – შანაი ბრუკის მკვლელობის დეტალები
30 ივლისს თბილისში ავსტრალიის მოქალაქე შანაი ბრუკი გაუჩინარდა. მეორე დღეს ახალგაზრდა ქალი, რომელიც საქართველოში ინგლისურს ასწავლიდა, მთაწმინდის ფერდზე გარდაცვლილი იპოვეს.
შანაი ბრუკის შესახებ ინფორმაცია სოციალურ ქსელში მისმა მეგობარმა გაავრცელა. მისი განცხადებით, როცა შანაის ტელეფონით ელაპარაკებოდა, ის მთაწმინდაზე იმყოფებოდა, რა დროსაც, სავარაუდოდ, თავს დაესხნენ. ტელეფონით საუბრის დროს მეგობარმა შანაის სიტყვები გაიგონა: “გთხოვთ, გამიშვით, უბრალოდ გამიშვით”.