31 სახლი იმ დევნილ ოჯახებს გადაეცემათ, რომლებიც მარნეულის მუნიციპალიტეტში ნგრევად შენობაში ცხოვრობენ
გერმანიის მთავრობის მიერ დაფინანსებული პროექტის ფარგლებში:
31 სახლი იმ დევნილ ოჯახებს გადაეცემათ, რომლებიც მარნეულის მუნიციპალიტეტში ნგრევად შენობაში ცხოვრობენ.
გარდა მარნეულისა, მთელი საქართველოს მასშტაბით, დევნილი ოჯახების საკუთრებაში არსებულ მიწის ნაკვეთებზე 200-ზე მეტი სახლი აშენდება.
პროექტის ფარგლებში, მცხეთის, გორის, ფოთისა და წალენჯიხის მუნიციპალიტეტებში არსებულ დევნილთა დასახლებებში 10 მცირე მასშტაბის ინფრასტრუქტურული პროექტი უკვე განხორციელდა. 2020 წელს, ასევე დაგეგმილია 10 პროექტის განხორციელება, 8 საბავშვო ბაღის აშენება და 2 ბაღის რეაბილიტაცია.
დასავლეთ საქართველოში პროფესიული განათლების ხელშეწყობის მიზნით საგანმანათლებლო ცენტრები აშენდება. 260-მდე ახალგაზრდა დევნილი პროფესიული კვალიფიკაციის ასამაღლებელ კურსებს გაივლის. დევნილებისთვის სამუშაო ადგილების შექმნის მიზნით, მცირე და საშუალო საწარმოებზე 136 გრანტი გაიცემა.
გერმანიის რეკონსტრუქციისა და განვითარების ბანკის დაფინანსებულ პროექტს – „ეკონომიკური მონაწილეობა, საცხოვრებლით უზრუნველყოფა და სოციალური ინფრასტრუქტურა იძულებით გადაადგილებულ პირთა და მასპინძელი თემებისათვის“ ლტოლვილთა დანიის საბჭო ახორციელებს.