TV პირველის ცილისმწამებლური სიუჟეტი – არჩილ თალაკვაძის მეუღლე: „ყველაფერს წესით და რიგით რომ აკეთებ და მაინც ტალახს გესვრიან, ძალიან სამწუხაროა“

-„მინდა გამოვეხმაურო TV პირველის ცილისმწამებლურ სიუჟეტს. განმარტებას ვაკეთებ იმ ადამიანებისთვის, ვისაც გული შესტკივა ჩვენს ოჯახზე. ათი წელი ვიცხოვრეთ ამ ბინაში, რომელსაც თავიდან ვქირაობდით და შემდეგ ვიყიდეთ იპოთეკით, როგორც ბევრი მოქალაქე აკეთებს“, – წერს პარლამენტის თავმჯდომარის, არჩილ თალაკვაძის მეუღლე, ქეთევან ბუბუტეიშვილი მედიაში გავრცელებულ სიუჟეტთან დაკავშირებით.

Ketevan Bubuteishvili

შაბათს

მინდა გამოვეხმაურო TV პირველის ცილისმწამებლურ სიუჟეტს. განმარტებას ვაკეთებ იმ ადამიანებისთვის, ვისაც გული შესტკივა ჩვენს ოჯახზე. ათი წელი ვიცხოვრეთ ამ ბინაში, რომელსაც თავიდან ვქირაობდით და შემდეგ ვიყიდეთ იპოთეკით, როგორც ბევრი მოქალაქე აკეთებს. კადრებშიც კარგად ჩანს უბრალო რემონტი და ავეჯი. გადავწყვიტეთ ამ ბინის გაყიდვა და დროებით გადავედით ნათესავთან, რომ ამ ბინის გაყიდვით მიღებული თანხა ახალ, მშენებარე ბინაში შევიტანოთ. გოგოები წამოიზარდნენ და ცხადია, გაფართოების სურვილი

მეტის ნახვა

კადრებშიც კარგად ჩანს უბრალო რემონტი და ავეჯი. გადავწყვიტეთ ამ ბინის გაყიდვა და დროებით გადავედით ნათესავთან, რომ ამ ბინის გაყიდვით მიღებული თანხა ახალ, მშენებარე ბინაში შევიტანოთ. გოგოები წამოიზარდნენ და ცხადია, გაფართოების სურვილი ასეთ დროს ნებისმიერ მშობელს აქვს.

ბინას ყიდიან ბროკერები, როგორც ნებისმიერი მოქალაქე აკეთებს. დაცვა კი არჩილს პროტოკოლით ეკუთვნის ამ თანამდებობაზე და მისი ერთ-ერთი ფუნქციაა დასაცავი პირის ბინაში, საცხოვრებელ სივრცეში უცხო პირი მარტო არ დატოვოს. რა იყო ამ სიუჟეტში საერთოდ სენსაციური და ყურადღება მისაქცევი?! კაკლებში ახალი რეზიდენცია არის აბსურდული დეზინფორმაცია. ასეთი უბრალოდ არ გაგვაჩნია. რაც შეეხება საჯარო რეესტრის ფუნქციებს, ის შეზღუდვების პირობებშიც დისტანციურად მუშაობს ყველასათვის.

რა გავაკეთოთ საზოგადოებამ, რომ ამ აბსურდს და დეზინფორმაციას გავუმკლავდეთ? თავს არ ვიმართლებ, 10-15 წელია ორივენი ვმუშაობთ. არასდროს უკანონობას ჩემი ოჯახი არ ჩაიდენს. უბრალოდ გაკვირვებას და გულისტკივილს გამოვხატავ. ყველაფერს წესით და რიგით რომ აკეთებ და მაინც ტალახს გესვრიან ძალიან სამწუხაროა“, – წერს ქეთევან ბუბუტეიშვილი.

 

„“ტვ პირველის” ეთერში სიუჟეტი გავიდა, – „როგორ იყენებს არჩილ თალაკვაძე ადმინისტრაციულ რესურსს პირადი მიზნებისთვის”.  არჩილ თალაკვაძე საცხოვრებელს ბინას ყიდის და ახალ, ფეშენებელურ სახლს იშენებს. ჟურნალისტი, იმ სამაკლერო კომპანიის თანამშრომლებს უკავშირდება, რომლებსაც თალაკვაძის ბინის გაყიდვის საქმეს კურირებენ. მაკლერები სატელეფონო საუბრისას აცხადებენ, რომ სამ ოთახიან ბინა, რომელიც 95 000$ იყიდება, ყველაფერი რჩება. ბინის ნახვა ნებისმიერ დროს შეუძლიათ. ბინა ისეთი ადამიანისაა, ამაზე პრობლემა არ შეიქმნება.”

სიუჟეტში ირკვევა, ქვეყანაში, პრემიერის მიერ დაწესებული კომენდატის მიუხდავად,  ბინის სანახავად მყიდველს მისვლა კომენდატის საათის შემდეგაც შეუძლია.

იხ: “ტვ პირველის” მიერ მომზადებული სიუჟეტი.

კომენტარები