„საქართველოს ევროატლანტიკური ინტეგრაცია არავის წინააღმდეგ არის მიმართული“
რუსეთის პრემიერ-მინისტრის დიმიტრი მედვედევის განცხადებით, ნატოში შემავალი ქვეყნები ასჯერ უნდა დაფიქრდნენ, ვიდრე რუსეთის სამეზობლოში ნატოს ბაზების განთავსებაზე გადაწყვეტილებას მიიღებენ.
საქართველოს პრემიერმინისტრი გიორგი გახარია რუსი კოლეგის განცხადებას გამოეხმაურა:
„მსგავსი განცხადებები პირველად არ მოგვისმენია, საქართველოს ევროატლანტიკური ინტეგრაცია არავის წინააღმდეგ არის მიმართული. ეს არის ჩვენი პოზიცია, პოზიცია, რომელსაც ჩვენი საერთაშორისო პარტნიორების წინაშეც ვაფიქსირებთ და მათთან ერთად ვახდენთ ამ პოზიციის დეკლარირებას“.